Erdogan: Turqia do ta kapërcejë “sulmin” mbi ekonominë e saj, “tradhtarët” do të ndëshkohen

Erdogan: Turqia do ta kapërcejë “sulmin” mbi ekonominë e saj, “tradhtarët” do të ndëshkohen

Rexhep Tajip Erdogan

Presidenti turk Rexhep Tajip Erdogan bëri me dije në ditën e sotme se vendi i tij është nën një “rrethim” ekonomik që nuk ka të bëjë aspak me treguesit e ekonomisë së vendit.

Përgjatë një fjalimi drejtuar ambasadorëve turq në kryeqytetin e Ankarasë, Erdogan tha se Turqia do të kapërcente “sulmin” mbi ekonominë e saj.

Ekonomia e Turqisë do të mbetet e fortë dhe se monedha do të rregullohej së shpejti “në nivelin më të arsyeshëm”u shpreh këmbëngulës Erdogan.

Mirëpo, në një referencë të dukshme ndaj Shteteve të Bashkuara, Erdogan tha:

Forcat e sistemit global nuk munden paturpësisht të dëmtojë fitimet tona që janë paguar nga gjaku. 

                Rexhep Tajip Erdogan

Gjithashtu Erdogan hodhi poshtë çdo sugjerim se Turqia mund të ndërhyjë në llogaritë bankare në dollarë, duke thënë se çdo konfiskim ose konvertim i këtyre depozitave në lira nuk ishte në diskutim.

Reagimet me komente të kreut turk erdhën pasi autoritetet filluan hetimet për qindra llogari në media sociale për raportet e dyshuara që pretendonin se po ndihmonin rënien e monedhës.

Erdogan bëri me dije se ka një “terror ekonomik” që po zhvillohet në mediat sociale, duke shtuar se “tradhtarët” do të dënoheshin.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Disiplina mbush me gjoba Kategorinë e Parë

Disiplina mbush me gjoba Kategorinë e Parë