Erjon Bogdani tregon pse
nuk ftoi lojtarin e Milanit
Pak ditë më parë, Ismet Sinani, djaloshi 19-vjeçar i të rinjve të Milanit, i grumbulluar vitin e kaluar me Kombëtaren e Shqipërisë U-19, ka zgjedhur të luajë për Kosovën, pasi nuk është ftuar nga Erjon Bogdani. Trajneri i kësaj grupmoshe tregon arsyet pse nuk e ftoi për 2 ndeshjet miqësore me Kazakistanin.
Më 24 dhe 27 mars, Kombëtarja U-19, e drejtuar nga trajneri Erjon Bogdani, do të luajë dy ndeshje miqësore ndaj të njëjtit kundërshtar, Kazakistanit. Dhe të dyja në të njëjtin stadium, në “Roza Haxhiu”.
Trajneri Bogdani ka shpallur listën me 25 futbollistë të datëlindjes 2000, ku bie në sy fakti se 10 prej tyre vijnë nga kampionati shqiptar. Janë tre lojtarë të Tiranës, por ka edhe nga Vllaznia, Skënderbeu e ekipe të tjera të kategorive të ndryshme.
“Grumbullimi fillohet në datën 19 dhe kemi miqësoret me Kazakistanin, për t’u përgatitur për eleminatoret që luhen në Tetor. Nga këto dy ndeshje pres që të konsolidojmë stërvitjen dhe skuadra të ketë vazhdimësi, ashtu siç ishim në trofeun e fundit ku humbëm finalen me Rumanin. Atje ekipi ka realizuar 9 gola në 3 takime. Pothuajse ky do të jetë grupi që do të luajë edhe në eleminatoret e kualifikueseve. Unë i kam dhënë më tepër hapësirë futbollistëve të datëlindjes 2000, pasi janë lojtarë që premtojnë më tepër. Pavarësisht se do të luajmë përballë Norvegjisë, Ukrainës apo Sllovakisë, ne do të provojmë të kualifikohemi. Futbollist bëhesh te skuadra ku luan dhe jo te kombëtarja. Ata duhet të japin maksimumin edhe tek ekipet ku luajnë. Pra, nuk mund të behësh lojtar njëherë në dy muaj kur luan tek Kombëtarja, por duke u stërvitur përditë.” është shprehur trajneri Bogdani.
Trajneri Bogdani është shprehur se Ismet Sinani, që luan me Milanin, nuk mund të konsiderohet si një talent, pasi i mungon vazhdimësia, ndërsa nuk la pa komentuar edhe futbollistin e Interit, Armand Rada.
"Sinanin nuk e grumbullova në Tetor, pasi nuk kishte luajtur asnjë minutë me Milanin. Më pas ai zhvilloi 10 minuta me këtë ekip duke shënuar dhe një gol. Nuk mund të them se kemi të bëjmë me një talent, pasi Sinani luan shumë pak me ekipin e Milanit dhe ka shumë luhatje. Talent quhet ai për të cilin flasin mediat gjithmonë, luan rregullisht ose bën 2 gola për ndeshje. Bushit i kam sugjeruar futbollistët që kanë spikatur në grupin tim. Detyra jonë e përbashkët është që të sjellim sa më shumë lojtarë në grupin A dhe rezultatet janë në planin e dytë. I kam sugjeruar edhe Armand Radën. Ky futbollist është me shumë të ardhme, por duhet të kemi kujdes me këta lojtarë”, – është shprehur Bogdani.
Shqipëria është në një grup me Norvegjinë, Ukrainën dhe Sllovakinë sa u përket eliminatoreve të Europianit, ndaj Erjon Bogdani, nëpërmjet këtyre dy testeve me Kazakistanin, kërkon të formojë një grup sa më solid, pse jo, të kërkojnë edhe kualifikimin.
e.gj/Shqiptarja.com
Sondazhi i ditës:
Djegin karriget dhe sende drejt Spiropalit, si e vlerësoni aksionin e PD?
-
Të drejtë
13.7%
-
Të gabuar
83.9%
-
Nuk e di
2.3%
Vota total: 342
Votat totale janë unike
Lajme të tjera
-
Paro Laçi trondit në 'Studio Live': Berisha, shkaktari i Tragjedisë së Otrantos! Për Katerin e Radës lajmëroi Italinë se po vinte banda e Zani Çaushit e armatosur
30 Shtator, 19:10
-
Augustin Palokaj: Nuk duhet të heshtim për pohimet e Serbisë, se në rastin e Kosovës është shkelur e drejta ndërkombëtare
30 Shtator, 19:09
-
Presidenti Biden kundërshton idenë për ofensivë tokësore nga Izraeli, kërkon armëpushim
30 Shtator, 18:58
-
Sarandë/ Bëri manovër teksa fuste mjetin në oborrin e banesës, babai godet aksidentalisht vajzën e tij 3- vjeçare
30 Shtator, 18:28
-
Abuzuan me fondet e rindërtimit, arrestohen 5 punonjës të Bashkisë Rrogozhinë! Dhanë dëmshpërblim për 78 banesa që ishin kasolle! Nën hetim edhe qytetarët përfitues
30 Shtator, 18:15
-
Përplasjet në seancën e Kuvendit, ja momenti kur Noka gjuan deputetin e PS Petro Koçi (VIDEO)
30 Shtator, 18:03
-
Kaosi në Kuvend, reagon Spiropali: Skenë krimi, të hetohet! Zjarrin mbi parlament e vënë vetëm shkatërruesit e demokracisë
30 Shtator, 17:58
-
Karrige të djegura në parlament/ Valteri: Nuk bëhet për Salianjin! Ervinit ja futi Gazi me Alibeajn! Lapardhaja: Opozita është vetëdjegur
30 Shtator, 17:57
-
Kaosi në Kuvend, deputetët e PD: Këtë pamje do ta shihni çdo seancë, Berisha dhe Salianji janë të burgosur politik
30 Shtator, 17:51
-
VIDEO/ Momenti kur Gazment Bardhi hedh drejt Spiropalit këmbën e karriges: Bjerini, bjerini
30 Shtator, 17:45
-
VIDEO/ Momenti kur Noka nxjerr benzinën nga çanta e Elda Hotit, Nallbati i vë flakën karrigeve të Kuvendit
30 Shtator, 17:32
-
I vunë flakën karrigeve të parlamentit/ Noka: Kjo do jetë panorama çdo seancë! Zgjidhja është qeveria teknike
30 Shtator, 17:28