POP 5

Lajmet më të lexuara të 5 minutave të fundit

Kultura

Ermonela Jaho, në Opera seminari falas për të rinjtë! ‘Fjalë pas fjale’, nis ‘Tetori i Librit’! Muzikë dhe kinema, Java Gjermane çel siparin!

Art, kulturë dhe spektakël, në vijim, rubrika “Ciceron”, ju njeh me aktivitetet që mund të ndiqni sot në Tiranë dhe disa qytete të vendit.

Ermonela Jaho rikthehet në Shqipëri, për një tjetër seminar falas për të rinjtë. Nga sot deri në 5 tetor, Akademia Teatrale mirëpret sopranon e njohur shqiptare, me leksionet e saj të këngës, interpretimit, por edhe përgatitjes së plotë që kërkon një rol.

Qendra Kombëtare e Librit dhe Leximit mban sot në orën 12.00 pranë Piramidës, ceremoninë e hapjes së Tetorit të Librit nën moton “Fjalë pas fjale”.

Ekspozita “Arti në sytë e fëmijëve” e kuruar nga Anisa Sala, pret vizitorët sot në orën 17.00 pranë Instalacionit Reja në Tiranë.

Tregimet e novelat e autorit italian Luigi Pirandello, vijnë sot në orën 19.00 në Qendrën për Hapje e Dialog në Kryeministri me interpretimin e artistes Ema Andrea, e shoqëruar nga aktori Matia Llupa dhe balerini Mariel Brahimllari. Hyrja është e lirë për publikun.

Në kuadër të Javës Kulturore Gjermane, solistët Elton Tola, Gloria Azizi dhe Enalda Gjoni dhe Orkestra e Dhomës Shqiptare, performojnë sot në orën 20.00 në Teatrin e Operas dhe Baletit një program të pasur të muzikës gjermane. Ndërsa do të shfaqet në Qndrën e Artit Agimi edhe filmi “Të gjithë flasin për motin” nga Annika Pinske” në orën 20.00.

Vijon e hapur deri në 4 tetornë galerinë "Fab" në Tiranë ekspozita personale e artistit Mumtas Dhrami  "Kujtime nga Kina, 1967".

Pret vizitorët deri në 9 dhjetor në Qendrën Kulturore të Artit Bashkëkohor ‘Harabel’ ekspozita ‘E gjithë drita që nuk mund të shohim’ e piktorit bashkëkohor Ali Oseku.

Galeria Kombëtare e Arteve në restaurim, vijon ekspozitat shëtitëse. “Mio, bashkëkohësit dhe artistët e rinj’, pret dashamirësit e artit pamor në Galerinë e Artit në Pogradec përgjatë gjithë javës.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03