X

POP 5

Lajmet më të lexuara të 5 minutave të fundit

Kronikë

'Escobari Ballkanit' drejt gjykimit, prokuroria përfundon hetimet për Klement Balilin (Akuzat)

Klement Balili i njohur si "Escobari i Ballkanit" brenda muajit janar përfundon në gjykatë me akuzën e anëtarit të grupit të strukturuar kriminal dhe trafikut ndërkombëtar të drogës. Burime nga akzua sqaruan për Report Tv se nga pala greke kanë mbërritur disa akt-eksperiza që priteshin dhe hetimet konsiderohen tashmë të mbyllura.

I konsideruar nga media greke si "Escobari Balkanit", Klement Balili ish-zyrtari i Transportit në Sarandë, brenda muajit janar do të përfundojë në Gjykatë me akuzën e trafikut ndërkombëtar të narkotikëve. Prokuroria e Krimeve të Rënda konfirmoi për ReportTv se ditët e fundit të 2018 ka mbërritur ekspertiza dhe disa akte hetimore të autoriteteve greke që faktojnë përfshirjen e Klement Balilit në trafik droge.

Vetë Klement Balili prej më shumë se dy vitesh është personi më i kërkuar i drejtësisë dhe policisë shqiptare por operacionet për kapjen e tij gjithmonë kanë dalë pa suskes. Të njëjtat burime sqaruan se ai do të shkojë i vetëm në gjyq pasi pjesa tjetër e grupit të strukturuar kriminal është arrestuar dhe dënuar në Greqi.

Balili ka të vetmen dalje publike pas cilësimit si Escobar duke mohuar akuzat ndërsa nga ajo ditë ai është në arrati. Për arrestimin e Balilit nuk kanë mubnuar dhe qëndrimet e selive diplomatike ku dhe ambasada amerikane në Tiranë shpesh herë ka folur duke e konsideruar atë një peshk të madh.

Ndërkohë teksa hetimet për anëtar i grupit të strukuruar kriminal dhe trafikut ndërkombëtar të drogës janë drejt fundit, një sërë pasurish të Balilit dhe familjarëve të tij përfshirë dhe resortin “Santa Quaranta” në Sarandë janë në sekuestro.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Ka luajtur në 4 Kupa të Botës, Fernando Muslera tërhiqet nga futbolli ndërkombëtar

Ka luajtur në 4 Kupa të Botës, Fernando Muslera tërhiqet nga futbolli ndërkombëtar

26 Prill, 16:20