“Është e turpshme”, Rudina bën ‘për një lek’ të ftuarin që e mashtroi me piktura interneti: Jam mëkatar dhe kam gabuar

Prej disa ditësh qarkullon në të gjitha rrjetet sociale lajmi se një i ftuar mashtroi moderatoret Rudina Magjistari, dhe Bieta Sulon duke u shtirur si një piktor i njohur që kishte fituar çmime në Rusi. Piktori i ri pretendoi se kishte fituar çmimin e parë të një konkursi në Moskë, por dikush me koment në Instagram zbuloi se piktura i përkiste një artisti të huaj.

Kaq mjaftoi që të zbulohej se, pothuajse të gjitha pikturat e publikuara në Instagram-in e tij ishin fotomontazh, dhe sigurisht kjo gjë ndikoi edhe në imazhin e moderatoreve shqiptare që e ftuan në studio për ta promovuar. Pasditen e sotme Reka erdhi sërish në studion e  emisionit “Rudina” për të treguar të vërtetën e kësaj ngjarjeje.

“Aq sa jam unë i tronditur, s’besoj të jetë dikush tjetër. Nuk është aspak e lehtë të lexosh portalet, vritesh shpirtërisht dhe thua ‘Pse mua më ndodhi kjo gjë’. Zanafilla filloi nga adresa false, që komentoi në Instagram. Piktura i takon një personi tjetër, është e vërtetë. Kërkoj ndjesë, ndihem shumë keq, që nuk jam shpjeguar siç duhet,”- tha Edliri në fillim.

Ndërkohë moderatorja Magjistari nisi ta shtyne që të tregonte të vërtetën duke përsëritur herë pas here që kjo që kishte bërë Reka ishte e turpshme, ‘piktori’ vijoi: E vërteta është thënë dhe është treguar haptazi. Piktura nuk është e imja. U dërgua një pikturë tjetër, me një pamje tjetër. Këtë pikturë e kam marr nga piktori i vërtetë i saj. E gjeta në internet. Piktura në Instagram është Photoshop, bashkë me piktura të tjera.

Edliri u shpreh më tej se i vjen keq që e gjithë kjo situatë ishte bërë kaq e madhe dhe më pas duke dashur t’i japë shpresa vetes tha shprehjen e njohur: Çdo mëkatar e ka një të ardhme dhe çdo shenjtor e ka një të shkuar.

TAG:
• rudina magjistari
• edlir reka
• bieta sulo