‘Është shumë e shtrenjtë të jesh i famshëm’, Sharon Stone: Vetëm unë paguaj kur dal me miqtë

Një intervistë të fundit për “InStyle”, aktorja Sharon Stone është shprehur se në çdo tavolinë ku ajo ulet, edhe kur ka 15 veta të ftuar, ajo është personi që paguan.

“Dal për darkë, me 15 persona në tavolinë dhe kush e merr faturën? Sigurisht unë. Dhe paguaj mbi 3000 dollarë gjithmonë, sa herë shkoj në një restorant”, thotë aktorja.

“Është shumë e shtrenjtë të jesh i famshëm”, thotë 65-vjeçarja.

LEXO EDHE:
Sharon Stone: Do largohem nga Amerika nëse fiton Trump

Stone ka pranuar se pjesën më të madhe të parave ajo i shpenzon për  blerjesh shtëpish, pagesa për stafin e sigurisë, publicistin, grimierët dhe menaxherët e saj.

Ndërkohë që pasuria e saj i kalon 40 milionë dollarë dhe vazhdon të rritet dita ditës , Sharon mendon se jeta e saj është shumë e shtrenjtë. Por nëse bëhet fjalë për  kur vjen puna për zhvillimin në karrierë , Sharon Stone nuk  di të kursehet. Vetë aktorja ka zbuluar në 2021-shin se ka hequr dorë nga 1/3 e pagesës së saj për filmin e xhiruar në 1995-ën “The Quick and the Dead”, vetëm e vetëm  që aktori tanimë me famë botërore Leonardo DiCaprio të bëhej pjesë e atij filmi.

Unë nuk doja të isha pjesë e një filmi të kotë dhe Leonardo ishte një super yll. Ai mbushi 18 vjeç në setin e filmit dhe unë doja të ishte djali im në film”, është shprehur aktorja.

Nga rrëfimi i saj në këtë intervistë, pagesa e saj fillestare për të qenë protagoniste në filmin në fjalë të publikuar në 1995-ën ka qenë vetëm 3 milionë dollarë. Ajo hoqi dorë nga shuma prej 1 milion dollarësh vetëm që DiCaprio të  luante në këtë film.

SI.E./Shqiptarja.com

TAG:
• Sharon Stone