‘Është vendim anti-kushtetues’, pronarët e jetski-ve në Sarandë protestojnë për bllokimin e mjeteve të ujit

‘Është vendim anti-kushtetues’, pronarët e jetski-ve në Sarandë protestojnë për bllokimin e mjeteve të ujit

Pronarët e mjeteve të ujit jetski në Sarandë janë mbledhur përsëri përpara Komisariatit të Kufirit në Sarandë. Sot bëhet dita e dhjetë e bllokimit të daljes së mjeteve të tyre në ujë.

“Është dita e 10-të që po sorollatemi. Na kanë pezulluar në mënyrë të paligjshme. E kemi të gjithë dokumentacionin e rregullt. Nëse nuk na japin zgjidhje do e çojmë çështjen në gjykatë sepse është anti-kushtetuese”, u shpreh një pronar mjetesh lundruese.

Pronarët e mjeteve jetski kanë apeluar ndaj strukturave të Policisë për të dhënë zgjidhje për problemin e tyre ose përndryshe tu kthejnë paratë e pagaruara, në të kundërt ato paralajmërojnë se do të dalin në det.

“Është hera e dytë që mblidhemi. Është vendim anti-kushtetues, cenon të drejtat private. Ne jemi disa qytetarë, kemi paguar taksat. Nëse nuk jeni të aftë të siguroni infrasktrukturën që të hidhemi në ujë, atëherë na keni taksat”, u shpreh një tjetër.

Bllokimi i mjeteve ujore jetski u bë pas aksidentit tragjik në plazhin Potam në Himarë, ku humbi jetën tragjikisht një vogëlushe. Përveçse në Sarandë, protesta ka pasur edhe në Durrës, Vlorë e Velipojë nga pronarët e jetski-ve, të cilët thonë se vendimi nuk është i drejtë dhe kërkojnë zgjidhje.

Kujtojmë se ngjarja e rëndë u regjistrua më 2 gusht në plazhin e Potamit në Himarë, ku Arjan Tase duke drejtuar gomonen ka goditur për vdekje një 7-vjeçare. E mitura Joanda Avdia ishte duke u larë në det ku është përplasur fillimisht nga pjesa ballore e gomones dhe më pas trupi i saj është prerë nga helikat duke ndërruar jetë në vend. Ngjarja ka ndodhur rreth orës 14:00. Drejtuesi i gomones ishte shefi i policimit në komunitet në Elbasan, ndërsa drejtuesi i Policisë së Shtetit, Gledis Nano e përjashtoi Arjan Tasen përfundimisht nga policia. Sot pritet të jepet masa e sigurisë për akuzën "vrasje me dashje", nga e cila rrezikon 10-20 vite burg.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet miratuar rezoluta anti-korrupsion e propozuar nga PS?



×

Lajmi i fundit

Më shumë se 10 mijë njerëz kanë mbërritur në Britani që nga fillimi i vitit, sfidë e madhe e kryeministrit Sunak para zgjedhjeve

Më shumë se 10 mijë njerëz kanë mbërritur në Britani që nga fillimi i vitit, sfidë e madhe e kryeministrit Sunak para zgjedhjeve