Eshtrat e gjetura pranë varrezave në Berat, policia: Do dërgohen për ekzaminim, s'kemi të bëjmë me ngjarje kriminale

Policia e Beratit ka bërë me dije se eshtrat e gjetura pranë varrezave të qytetit, do të dërgohen për ekzaminim në institutin e policisë shkencore. Ndërsa theksohet se nuk kemi të bëjmë me ngjarje kriminale 

"Në varrezat e qytetit, punonjësit e varrezave të bashkisë, gjatë pastrimit anës rrugës hyrëse për në varreza, kanë gjetur një qese plastmasi transparente, të vjetër, brenda së cilës gjendeshin mbetje kockore humane.

LEXO EDHE:
Grabitet drejtoria e Ujësjellës-Kanalizimeve në Berat! Hajdutët shqyejnë kasafortën dhe marrin 2 mln lekë të vjetra

Mbetjet kockore do të dërgohen në Institutin e Policisë Shkencore, për ekzaminime të mëtejshme. Është krijuar grupi hetimor, janë plotësuar formularët për ekzaminimin e mbetjeve kockore në Institutin e Policisë Shkencore, dhe vijon puna për dokumentimin e plotë të këtij rasti.

Nga veprimet e para hetimore rezulton se nuk kemi të bëjmë me ngjarje kriminale"-thuhet në njoftimin e policisë. 

Lajmi kryesor:

Berat, gjenden eshtra brenda një qeseje plastike! Dërgohet për ekspertizë në institutin e mjekësisë ligjore, policia: S’kemi të bëjmë me ngjarje kriminale

B.V/Shqiptarja.com

TAG:
• eshtra
• Berat