Eskursionet frymëzyese të Mevlanit dhe Natashës

Të dy njihen për shpirtin e aventurës, sidomos drejt natyrës dhe botës së panjohur, prandaj dhe kanë vendosur të rrëfejnë për admiruesit e tyre një moment paksa idilik me peisazh pranveror. Aktori Mevlan Shanaj dhe bashkëshortja e tij shkrimtarja Natasha Lako shfaqen në një fushë të mbushur plot me gjelbërim dhe lule, ku ajo e njohur për shpirtin e saj romantik, nuk ka nguruar të mbledhë lulet e verdha, të cilat i mban në dorë aktori i njohur. Nga fotot duket sikur ky peisazh nuk është në Shqipëri, por ama ne e dime që ata preferojnë shpesh të udhëtojnë në vende të ndryshme, aty ku edhe janë më të qetë, larg zhurmës së kryeqytetit. E gjithë kjo skenë ngjason vërtet me një film romantik mbushur plot ngjyra dhe romancë, duke konfirmuar se edhe pas kaq vite martese, dashurie e tyre vazhdon të jetë e freskët si ditën e parë që janë njohur.