Eugjen Merlika: Gjyshi im
Mustafa Kruja nuk ishte tradhta

Kjo foshnje në fotografi, ka vendosur të mbrojë deri në frymën e fundit gjyshin e tij që e mban në krahë. Foshnja quhet Eugjen. Gjyshi i tij është Mustafa Merlika Kruja, një prej personazheve më të sulmuar në kohën e diktaturës, e më të debatuar në ditët e sotme mes historianëve.
Këta të fundit, një pjesë e mirë e akuzojnë për tradhëti e bashkëpunim me pushtuesin. Bëhet fjalë për periudhën kur ai qe kryeministër, në vitin 1942. Pikërisht për këtë periudhë, nipi i tij na sjell sot argumente e fakte që dëshmojnë të kundërtën, "ai nuk e tradhëtoi dhe nuk punoi në dëm të vendit të pij. Ai dëshmoi zellin e tij prej patrioti në dy çështje të rëndësishme, punoi për ëndrrën shekullore të shqiptarëve bashkimin kombëtare, duke projektuar Shqipërinë etnike, dhe punoi fort në mbrojtjen e hebrejve, një nga faqet më të ndritura të historisë së shqiptarëve".

Këto janë vetëm dy argumente, vetëm një pjesë e vogël e një interviste të gjatë me Eugjen Merlikën, intervistë që siç thotë ai është e para që jep për shtypin mbi këtë çështje në më shumë se 20 vjet të shtypit pluralist shqiptar. Biseda me të zbulon shumë anë të panjohura të familjes Kruja, si jetuan të ndarë, si përjetuan internimet, burgosjet, si u përball Eugjen Merlika me dy modele që i ofruan për gjyshin e tij, një model në shkollë që e njolloste e një model në shtëpi e në rrethe miqsh që rrëfenin për patriotin Mustafa Kruja.

Ndër të tjera në këtë rrëfim, me interes janë dorëshkrimet e shumta që la Mustafa Kruja dhe puna që është bërë me ta për ti botuar e sjellë në duart e lexuesve, por edhe një letër e Ernest Koliqit, e cila zbulon dëshpërimin e tyre që gjithë forca mendore e morale e shkrirë në dobi të popullit, u harrua në terr... Letra është sjellë e plotë në një prej përgjigjeve të Eugjen Merlikës.

Shkrimin e plotë e gjeni në gazetën Shqiptarja.com, 21 dhjetor 2012

(ad.ti/shqiptarja.com)