Kjo është bërë e ditur nga burime jozyrtare brenda Federatës Shqiptare të Futbollit. Berisha 26-vjeçar, ka impresionuar De Biasin që ka vendosur t'i krijojë atij një vend në ekipin kombëtar. Berisha mund të ftohet që në muajin maj, nëse FSHF-ja arrin të rregullojë ndonjë takim miqësor.
Kosovari Berisha po shkëlqen në Australi. Ai është golashënuesi më i mirë i skuadrës dhe i ligës me 17 gola të realizuar në 23 ndeshje.
"Nëse nuk ka ndeshje në maj, Berisha do të ftohet patjetër për eliminatoret që nisin në shtator, natyrisht nëse ruan këtë formë. De Biasi e ka pëlqyer shumë dhe kërkon ta ketë në grumbullime. Ai është i vetëdijshëm që futbollisti do të duhej të bënte një udhëtim shumë të gjatë nga Australia, por në rastet kur ka dy ndeshje radhazi dhe grumbullimi zgjat 10 ditë, udhëtimi nuk do të ndikojë në performancën e lojtarit", ka thënë burimi brenda FSHF-së