Hamdi Salihi ka debutuar në futbollin amerikan në skuadrën DC United. Sulmuesi shkodran ka patur një paraqitje të mirë në këtë takim por që për fat të keq në sekondat e fundit skuadra e tij është mposhtur me rezultat 1 me 0.

Por ajo që e bën krenar Salihin është kombësia e tij dhe tifozët shqiptarë të cilët kishin përgatitur plot befasi në përkrahje të sulmuesit të kombëtares shqiptare të futbollit. Stadiumi amerikan ka ngjarë me impiantin "Loro Borici" për shkak të pankartave me emrin e Salihit dhe fotot e tij

Shumë tifozë shqiptar mbanin pankarta në përkrahje të Salihit me shkrime “Mirë se na erdhe”, “Salihi”, stemën e skuadrës DC United në flamurin shqiptar, “Shqiponjën Kuq e Zi”, të këto të përcjella më këngë e brohoritje në gjuhën shqipe.