Për tifozët e futbollit anembanë Europës, të cilët do të vizitojnë Ukrainën dhe Poloninë për turneun e kësaj vere, shsfaqet një tjetër rrezik i pazakontë. Pas huliganëve nazistë dhe mungesës së sigurisë, për të trembur fansat e topit në Euro 2012, shtohet edhe rreziku i infektimit me AIDS.

Në një reportazh të mediave angleze pranë stadiumit të Donetsk në Ukrainë, 4 prostituta kanë konfirmuar se sëmundja fatale është shumë e përhapur mes punëtoreve të seksit në këtë vend.

Sipas statistikave, 1 në 5 prostituta janë të infektuara me HIV, dhe kjo do të thotë se fatkeqësisht shumë tifozë mund të infektohen, gjatë pushimeve të tyre, që përfshijnë shpesh dhe aventurat e seksit.

"Tifozët do të më bëjnë mua milionere, sidomos tifozët anglezë. Unë nuk do të rris tarifat e mia të shërbimit, por me pak fat dhe klientë bujarë, mund të arrij në 1100 Dollarë në ditë" tha 24 vjecarja Kate, që është prostitutë në Donetsk.