Mesfushori kosovar që luan me kombëtaren zvicerane, Granit Xhaka e cilëson mjaft të veçantë ndeshjen përballë Shqipërisë në kampionatin Europian të Francës, por shpreson se kuqezinjtë dhe ‘helvetët’ do të kalojnë grupet.

“Jo vetëm kundër Taulantit që është e vështirë të luaj, por edhe kundër Shqipërisë. Kemi pasur ndeshje me Shqipërinë edhe para dy vjetësh dhe ka qenë shumë e vështirë.

E tani kur është edhe vëllai im që luan për kuqezinjtë, do të jetë edhe më e vështirë. Megjithatë, ne jemi profesionistë dhe duhet të luajmë. Dëshira ime është që grupin ta kalojnë Zvicra dhe Shqipëria”, thotë Xhaka për Zërin. 


d.b/shqiptarja.com