Italia ia ka dalë të fitojë 2-1 superduelin me Belgjikën dhe është kualifikuar në gjysëfinale të kampionatit europian. Në Mynih ‘axurrët’ e nisën vrullshëm dhe vetëm pas 13 minutash gjetën golin, por u anulua me VAR. Gjithsesi goli nuk do të vononte pasi Barella pak çaste më pas bëri ‘bomberin’ në zonë, duke zhbllokuar sfidën.
Avantazhi e rriti epërsinë e Italisë në lojë dhe për pasojë në minutën e 44 dyfishoi me supergolin e Insigne-s.Belgjikën e fikur do ta ndizte i riu Doka, që penalltinë e fituar prej tij në fundin e pjesës së parë do ta realizonte Lukaku.
Në pjesën e dytë ‘djajtë’ priteshin të rrëzikshëm dhe deri në një moment ia arritën me dy raste flagrante, por në fund triumfoi Italia solide, që gjithashtu pati mundësitë e saj për të vrarë sfidën. Kjo ishte edhe fitorja e pestë radhazi e Italisë në Europian, diçka të cilën nuk e kishte bërë kurrë më parë, ashtu si edhe 32 ndeshjet radhazi pa humbje duke përfshirë edhe sfidën me Belgjikën.
![](https://shqiptarja.com/template/img/NO_ALFA_Kuadrate shqiptarja.png)
Në gjysmëfinale Italia do të përballet me Spanjën në Londër, në stadiumin në Uembley me datë 6 korrik në orën 21:00.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)