Euro 2024, kombëtarja realizon fotot zyrtare! Kuqezinjtë ‘lënë fushën’ për kostumet! Atelier 'Altin Mici' kuron imazhin e kuqezinjve (VIDEO)

Krahas përgatitjeve për Euro 2024, kombëtarja shqiptare në Austri ka realizuar edhe fotot zyrtare para zhvendosjes në Gjermani për kompeticionin magjik të verës. Ashtu si në Euro 2016, kuqezinjtë që do na përfaqësojnë në fushën e lojës, do vishen me kostumet e atelier “Altin Mici”, që kuron imazhin e kuqezinjve dhe ka realizuar një set veshjesh speciale për ekipin dhe të gjithë stafin kuqezi.

Gjithashtu, në qendrën stërvitore të Kombëtares në Austri u zhvillua edhe ceremonia e nënshkrimit të bashkëpunimit të ri mes Federatës Shqiptare të Futbollit dhe atelier “Altin Mici”, me Presidentin e FSHF-së, Armand Duka, dhe Altin Micin, të cilët firmosën rinovimin e marrëveshjes mes palëve.

Në një prononcim për Fshf.org, Presidenti Duka theksoi se bashkëpunimi me atelier Altin Mici ka qenë me fat dhe shprehu kënaqësinë që kjo atelier do të kurojë edhe në vazhdimësi imazhin e Kombëtares shqiptare.

LEXO EDHE:
Votat e Shqipërisë për 'The Best'! Sylvinho zgjedh brazilianin e Realit, Gjimshiti nderon legjendën e Gjermanisë

“Jam shumë i kënaqur që sot në qendrën e trajnimit të ekipit Kombëtar në Austri kemi një mik special, pronarin e atelier Mici, z. Altin Mici me të cilin kemi një bashkëpunim të vjetër për Kombëtaren shqiptare. Bashkëpunimi ka filluar para vitit 2016-të dhe na ka sjell fat për të qenë pjesë e Europianit. Ekipi Kombëtar është veshur me kostumet e Altin Micit në Euro 2016 ka vazhduar akoma më tej dhe të gjithë djemtë e Kombëtares do të vishen me kostumet e stiluara nga atelier Mici dhe të qepura nga ai. Sot gjatë gjithë ditës ne ja kemi përkushtuar veshjes, megjithëse ky është një event sportiv por padyshim që çdo detaj sado që mund të duket i vogël është i rëndësishëm për një skuadër futbolli. Pra dhe ky është një detaj shumë i rëndësishëm të cilin na e mundëson atelier Mici dhe pronari i saj Altin Mici”, theksoi kreu i futbollit shqiptar.

Ndërsa, stilisti Altin Mici theksoi krenarinë për mundësinë e vazhdimit të bashkëpunimit dhe shprehu dëshirën që të jetë sa më i suksesshëm edhe në të ardhmen.

“Jam shumë krenar që kam mundësi të kujdesem për imazhin e Kombëtares shqiptare. Tashmë u bë 8 vjet dhe kjo është një përgjegjësi të cilën e kam parë me seriozitetin më të madh. Që nga hera e parë që jam kujdesur për imazhin e Kombëtares shqiptare e kam bërë me një pasion dhe krenari të papërshkruar. Uroj që bashkëpunimi im me Kombëtaren të vazhdojë më tej. I uroj djemve që të kenë sukses dhe të na përfaqësojnë në mënyrën më të mirë të mundshme”, – tha stilisti Altin Mici.

TAG:
• euro 2024
• kombetarja shqiptare

Sondazhi i ditës:

Si ka qene per ju viti 2024?

• I mire

  43.6%

• I keq

  22.6%

• As i mire as i keq

  33.8%

Vota total: 1647

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq