POP 5

Lajmet më të lexuara të 5 minutave të fundit

Ekonomi

Euro marshon sipër 109 lekëve, arrin nivelin më të lartë që prej 1 qershorit! Dollari marshon sipër vlerës së 100 lekëve

Euro dhe dollari amerikan u forcuan ndjeshëm kundrejt lekut këtë të enjte.

Euro marshon sipër 109 lekëve, arrin nivelin më të lartë që prej 1 qershorit! Dollari marshon sipër vlerës së 100 lekëve

Euro dhe dollari amerikan u forcuan ndjeshëm kundrejt lekut këtë të enjte, 24 gusht 2023. 

Sipas kursit zyrtar të Bankës së Shqipërisë, monedha europiane u këmbye sot me 109.08 lekë, ose 1.45 lekë më tepër se dje.

Euro është rritur me më shumë se 3 lekë që nga fillimi i kësaj jave, ndërkohë që ka prekur nivelin më të lartë që prej datës 1 qershor.

Ndërkohë një dollar u këmbye të enjten me 100.54 lekë, ose 1.06 lekë më tepër se të mërkurën. Duke u rikthyer kështu sipër vlerës së 100 lekëve për herë të parë që nga fillimi i muajit qershor.

Po ashtu edhe poundi britanik fitoi terren kundrejt lekut. Një pound u këmbye me 127.38 lekë ose 1.41 lekë më tepër se dje, ndërsa franga zvicerane u këmbye me 114.15 lekë ose 1.09 lekë më tepër.

Ngelet për tu parë nëse rritja e Euros do të jetë e qëndrueshme, forcimi i monedhës europiane nga ana tjetër do të shtojë presionet inflacioniste në ekonomi. Leku i fortë ka qenë një nga barrierat që e ka mbrojtur pjesërisht ekonominë shqiptare nga rritja e fortë e çmimeve të mallrave në tregjet e huaja.

Gjithashtu, Leku i fortë ka mundësuar mbajtjen e normave më të ulëta të interesit krahasuar me shumicën e ekonomive të tjera. Një dobësim i qëndrueshëm i Lekut në kursin e këmbimit me shumë të ngjarë do të pasohet nga një rritje e normave të interesit nga Banka e Shqipërisë në vjeshtë.

 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mario: 24/08/2023 15:22

    keto dy dite do jene vendimtare nese euro dhe dollari mund te qarkullojne ne nivelin 1,088 apo 1,085 ndikon edhe fluktuacioni i larte i cmimit te gazit ne renje per shkak te kontratave te sigurise ne 90% te rezervave kombetare po dollari mund te mos jete ne gjendje te perballoje goditjen e luhatjeve ne nivele me te uleta ne bursa e gjendur ashtu si euro ne nivele te uleta nen 50 pike te besimit ne industri i matur cdo 200 dite ose 6 mujor, ku euro ndodhet pak me lart. Kjo eshte karakteristika qe i luhat valutat kryesorre ndermjet 1,06 dhe 1,1 deri ne fund te vitit, ku 1,088 eshte nje nivel sigurie per forcimin e valut

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça