POP 5

Lajmet më të lexuara të 5 minutave të fundit

Ekonomi

Euro në ‘pikiatë’, po këmbehet me 116 lekë! Eksperti: Prurjet e sezonit turistik po e zhvlerësojnë

Prurjet e larta të turistëve në këtë sezon si dhe eksportet po zhvlerësojnë pa ndalur Euron në raport me Lekun. Këtë të hënë monedha evropiane ka prekur vlerat më të ulta historike, dhe po këmbehet me 116.9 lekë. Ky zhvlerësim i fortë sipas ekspertëve godet eksportuesit që do fitojnë më pak dhe favorizon importuesit.

Monedha e përbashkët evropiane vijon të prekë vlerat më të ula historike të saj në dy dekada. Sipas kursit zyrtar të Bankës së Shqipërisë një euro po këmbehet në tregun vendas me 116.97 lekë, nga mbi 119 lekë që këmbehej në fillim të këtij muaji. Në raport me korrikun e një viti më parë Euro është zhvlerësuar me 5.52 lekë, pasi vjet monedha evropiane këmbehej me 122.4 lekë.

“Kjo rënie kundrejt monedhës vendase (lekë) ka si shkak kryesor efektin sezonal”, - thonë ekspertët.

“Rënia vjen kryesisht nga sezoni turistik, nga avancimi i eksporteve më shumë se në periudhat e kaluara, për arsye se edhe eksportet ndikojnë në rënien e euros, dhe pastaj është edhe paraja informale që sistematikisht është pastruar në Shqipëri. Edhe faktorët e jashtëm kanë ndikuar”, thotë eksperti i ekonomisë Eduart Gjokutaj.

Si pasojë e hyrjeve të shumta të turistëve këtë vit, edhe prurjet në valutë janë tepër të larta, ndërsa kërkesa është e ulët. Por nuk mund të lihet pa përmendur edhe impakti i rritjes së normës bazë të interesit dy herë brenda pak muajsh, që po japin efektet më të mëdha tani pasi rrisin pozitën e lekut në raport me monedhat e huaja.

Zhvlerësimi i euros ndihmon importuesit të cilët blejnë në euro dhe shesin në lekë, si dhe përfitojnë të gjithë ato individë apo subjekte që kanë detyrime në euro dhe të ardhurat e tyre në lekë. këtu përfiton edhe shteti, pasi një pjesë e borxhit që kemi është në euro, dhe për ta shlyer në këtë periudhë duhen më pak lekë.

Ndërsa humbësit më të mëdhenj të rënies së euros janë eksportuesit që blejnë me lekë e shesin me euro, të cilët për produktet që do të tregtojnë jashtë vendit do të fitojnë më pak euro si pasojë e këtij nënçmimi të monedhës evropiane..

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ilmiu: 18/07/2022 17:33

    O Zoterinj eksperte po cfare flisni aman?????? Po merrni more analizoni te gjitha shkaqet!!! Nje aresye mos ka te beje me eurot qe duan te amnistohen.... sepse ato euro kane hyre, jane ketu.... vetem nese quhen turiste edhe keta te 2milione eurove, atehere kerkoj falje..... Pseudo eksperte. Ne o kemi gjithologe ose palo-loge se ekspertet po marrin dhene....

    Përgjigju
    • A. N.: 18/07/2022 17:58

      Eurot jane ketu sepse futen euro me thase cdo dite nga shitja/eksporti i droges qe bejne jashte vendit.

  • Era: 18/07/2022 14:53

    Nuk eshte vetëm nga sezoni turistik,sepse turizëm ka pasur per cdo vit e kaq poshtë nuk ka qene asnjëherë,eksperti duhet te thotë edhe arsyet e tjera.

    Përgjigju
    • Ca bohet: 18/07/2022 15:43

      Thjesht ka ren euro ne raport me dallarin, frangen dhe paundin.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu