Euro po këmbehet në nivelin më të ulët historik të 18 viteve, me 119.41 lekë! Prurjet nga sezoni turistik dhe eksportet zhvlerësojnë monedhën

Monedha e përbashkët evropiane ka prekur nivelin më të ulët të 18 viteve në tregun vendas.

Sipas kursit zyrtar të Bankës së Shqipërisë një euro po këmbehet në tregun vendas me 119.41 lekë, nga mbi 120 lekë që këmbehej në fillim të qershorit. Në raport me një vit më parë Euro është zhvlerësuar me 3.1 lekë, pasi në të njëjtën periudhë vjet monedha evropiane këmbehej me 122.5 lekë.

Ky zhvlerësim i euros kundrejt monedhës vendase (lekë) ka si shkak kryesor efektin sezonal. Si pasojë e prurjeve të larta nga pushuesit prej sezonit turistik, ka shumë euro në qarkullim, çka përkthehet në nënçmim të saj.

Vetëm në tre muajit e parë të vitit ende pa nisur sezoni turistik të ardhurat nga turizmi u rritën me 169 milionë euro në raport me një vit më parë, dhe arritën në nivelin prej 409 milionë eurosh. Kjo tendencë, pritet të jetë në rritje përgjatë gjithë vitit, pasi edhe pritshmëritë për këtë sezon turistik janë tepër të larta. Sipas të dhënave të INSTAT vetëm në 5 muajit e arë të vitit kanë hyrë në Shqipëri mbi 1 milionë shtetas të huaj.

Faktor tjetër që po ndikon është edhe rritja e eksporteve që po sjell më shumë euro në vend, pasi edhe çmimet e mallrave që shiten janë më të larta. Por ky zhvlerësim i euros i dëmton eksportuesit pasi për mallrat që do shesin do fitojnë më pak pasi konvertimi i euros në lekë është më i ulët se më parë.

Por nuk mund të lihet pa përmendur edhe impakti i normës bazë të interesit në muajin mars, që po jep efektet më të mëdha tani pasi rrit pozitën e lekut në raport me monedhat e huaja, dhe importet bëhen më të lira, pasi në rastet kur leku forcohet harxhohet më pak për të importuar mallra nga jashtë. Në këtë mënyrë do të reduktohej edhe inflacioni i importuar.

KËMBIMI PËR 1 EURO

24 qershor 2021       122.58 lekë

24 qershor 2022       119.41 lekë

Rënia ndaj lekut        -3.17 lekë

SHPENZIME BRENDA VENDIT

Janar-Mars 2022       409 mln euro

Janar-Mars 2021       240 mln euro

Diferenca                +169 mln euro

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • A. N.: 26/06/2022 18:59

    I vetmi eksport qe bejme ne dhe qe mbyt euron eshte droga nga e cila futen me qindra milione euro ne vend ne menyre te padeklaruar dhe qe ulin vleren e euros.

    Përgjigju
  • Realiteti: 26/06/2022 15:38

    Meqe zhvleresimin e € e justifikuat,po zhvleresimin e paundit pse nuk ne justifikoni me te njejten arsye?!Ka ardhur koha tia thoni TROVÇ njerezve.1-Po qarkullojne shume para te pista te cilat presin te pastrohen nga ligjvenesit shume shpejt 2-njerezit e thjeshte buxhetore po zhvasin familjaret emigrante sepse ne Shqiperi nuk del me rroga per te mbyllur muajin

    Përgjigju
  • Sondazhi i ditës:

    Rikthimi i PD-së me protesta në shtator, a do ta forcojë politikisht?



×

Lajmi i fundit

U ndërpre energjia gjatë koncertit të Noizy? Reagon OSHEE: Ra automati nga pajisjet brenda regjisë

U ndërpre energjia gjatë koncertit të Noizy? Reagon OSHEE: Ra automati nga pajisjet brenda regjisë