Monedha e përbashkët ka shënuar një tjetër rënie gjatë ditës së sotme, duke arritur një rekord të ri të 10 viteve të fundit. Sipas kursit zyrtar të Bankës së Shqipërisë, një euro u këmbye sot me 125.92 lekë, duke rënë ndjeshëm me 0.36 në krahasim me ditën e mëparshme.
Ky është niveli më i ulët që nga janari i vitit 2009, kur euro e hapi vitin në kuotat e 123-124 lekëve, por më pas u rrit për të arritur në nivelin rekord në mes të vitit 2011, kur arriti në 142.6 lekë. Më pas, euro ishte në nivele të qëndrueshme për 6 vjet, duke u këmbyer midis 139-140 lekë. Rënia nisi në gjysmën e dytë të vitit 2016 dhe ka vijuar në mënyrë të qëndrueshme, duke u përshpejtuar në muajt e parë të këtij viti.
Vetëm në pesë muajt e parë të vitit 2018, euro ka rënë me 7.51 lekë, ose 5.6%. Nga 102 ditë tregtimi zyrtar në pesë muajt e parë të këtij viti, euro ka rënë në 72 prej tyre.
Ekspertët pohojnë se arsyeja kryesore mbetet oferta e lartë për valutë që vjen nga kanalet formale (remitancat, investimet, eksportet e mallrave dhe shërbimeve, turistët) ato informale (paratë ilegale që futen kryesisht në punë përmes ndërtimit) si dhe ndikim të dukshëm në luhatjet e forta kanë pasur transaksionet për konvertimin e kapitalit të bankave.http://www.monitor.al/euro-nuk-ndal-renien-ekspertet-po-ndikon-dhe-konvertimi-kapitalit-te-bankave/
Në bursat ndërkombëtare euro e ka marrë pak vetën ditën e sotme, duke u ngjitur në 1.17 dollarë dhe duke u larguar nga niveli më i ulët në gati tre vjet, pasi tensionet për krizën e qeverisë në Itali sikur u zbutën disi. Pozitivisht ndikuan dhe të dhënat pozitive në Gjermani.
Fakti që euro në tregun vendas nuk e reflektoi këtë tendencë, tregon se monedha e përbashkët është e dobët në Shqipëri si rrjedhojë e faktorëve të brendshëm. Teksa euro nuk ra, kursi u korrektua përmes nënçmimit të fortë të dollarit, i cili humbi 1.18 lekë në ditën e sotme, duke u këmbyer me 107.6 lekë.
Ekspertët pohojnë se euro pritet të jetë e dobët për shkak të fillimit të efekteve sezonale, ku rolin kryesor po e luajnë të ardhurat nga turizmi. Për herë të parë këtë vit, sezoni ka nisur më herët, që në maj dhe nga qershori hotelet kanë raportuar se janë pothuajse 100% të rezervuara me turistë nga gjithë Europa, ku këtë vit risi janë nordikët./ Monitor
Lajme të tjera
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17 -
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Manifaktura 230 mln euro humbje prej zhvlerësimit të kursit, BSH: Ky sektor duhet të ndryshojë modelin e biznesit
15 Nëntor, 10:21 -
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21 -
FMN i kërkon Bankës së Shqipërisë të ruaj regjim të lirë të kursit të këmbimit! Sejko: Familjet e bizneset në gjendje të mirë financiare
14 Nëntor, 14:01 -
Paketa fiskale 2025/ Dhoma e Tregtisë e biznesi me 28 propozime: Pagesat vetëm në lekë, gjobë kush paguan në valutë
12 Nëntor, 18:09
-
Euro thellon rënien, po blihet me 97 lekë dhe shitet me 98 lekë! Monedha Evropiane është zhvlerësuar me 6.5% krahasuar me vjet
8 Nëntor, 17:20
-
Valutat e huaja humbasin përsëri terren, Leku ruan ‘kështjellën’ në kursin e këmbimit! Vetëm Franga zvicerane dhe Jeni fitojnë pikë
4 Nëntor, 15:28 -
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Kriza e euros, po këmbehet me 98 lekë! BSH deri në fund të vitit do të blejë 330 mln €: Më e rëndë situata nëse s’do ndërhynim
13 Tetor, 14:20
-
Leku forcon pozitat përballë euros, humb terren ndaj dollarit
9 Tetor, 17:37
