Eurobondi, PD i përgjigjet Ramës: Po merr borxh për të shlyer borxhin që more për luks

Partia Demokratike ka reaguar pas deklaratës së kryeministrit Rama që e cilësoi si sukses sigurimin e eurobondit me interes 3.55% në tregjet ndërkombëtare. Deputetja e PD, Jorida Tabaku shprehet se qeveria merr borxh për të shlyer borxhin që mori mandatin e parë, ndërkohë që nuk ka bërë asnjë investim. E ndërsa bën një krahasim me Maqedoninë dhe Malin e Zi, demokratja thotë se borxhi i fshehur i Shqipërisë me PPP-të shkon në 82%, ndërsa buxheti ndahet si plaçkë.

Pa asnjë investim, pa rrugë, pa shkolla, pa spitale me taksa të rritura 4 miliardë e prapë merr borxh për të shlyer borxhin. Merr borxh për të shlyer borxhet që mori katër vjecarin e parë, parà që i përdori për luks e udhëtime, pisha dhe palma! Në një kohë kur, në janar 2018 Maqedonia doli në treg me Eurobond me interes 2,75% dhe në prill 2018 Mali i Zi në Prill doli me një interes Eurobondi 3,375%! Shqipëria sot me 3,55%.

Me një borxh të fshehur prej PPP-ve që shkon në 82% me një ekonomi të prangosur nga monopolet e ardhmja e qytetareve është e zymtë te cilët sipas INSTAT mbijetojnë me 600 lekë në ditë! Ekonomia çlirohet kur ikin monopolet, kur buxheti nuk ndahet si plaçkë, kur i jepet mundësi të gjithëve në treg. Ekonominë e çliron taksa e sheshtë dhe derregullimet për biznesin e vogel, oferta e PD!

LEXO EDHE:
Carlo Bollino: Gazetaria 'prit e qep', kur qëllimet e Report të RAI3 dhe të Berishës koinçidojnë

Jorida Tabaku

Shqipëria siguroi sot 500 milionë euro nga eurobondi, ndërsa interesi do të jetë 3.55%. Tregjet e kapitaleve e kanë pritur pozitivisht daljen ditën e sotme të Eurobondit shqiptar. Data e maturimit të këtij Eurobondi do të jetë viti 2025.

TAG:
• edi rama
• Jorida Tabaku
• Eurobondi

Sondazhi i ditës:

Sa i përhapur është korrupsioni në Shqipëri?

• Shumë

  84.7%

• Pak

  9%

• Nuk e di

  6.3%

Vota total: 3111

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di