Zgjedhjet për Parlamentin Evropian u pasuan me dobësimin e euros kundrejt dollarit amerikan.
Mëngjesin e së hënës, (10 qershor) një euro ishte më pak se 1.08 dollar, ndërsa gjatë pjesës më të madhe të javës së kaluar ishte afër 1.09 dollar.
Analistët thonë se lëvizjet nuk duken të mëdha, por se pasqyrojnë mënyrën se si ndihen njerëzit në tregjet ekonomike.
“Rezultatet e zgjedhjeve në BE treguan rritje të mbështetjes për partitë e krahut të djathtë - gjë që edhe pritej - por elementi surprizë është se [presidenti i Francës, Emmanuel] Macron reagoi duke thirrur zgjedhje të parakohshme. Kjo gjë e bën tregun më nervoz”, tha për agjencinë Reuters Lee Hardman, analist i monedhës në kompaninë e shërbimeve financiare, MUFG.
Lëvizje të ngjashme u panë edhe në bursa, pasi aksionet e mëdha në të gjitha tregjet kryesore evropiane shënuan rënie.
Zgjedhjet për Parlamentin Evropian u mbajtën nga data 6 deri më 9 qershor.
Partitë e ekstremit të djathtë shënuan rritje në disa shtete të Evropës, përfshirë Francën dhe Gjermaninë.
Në Francë, presidenti Emmanuel Macron shpalli zgjedhjet e parakohshme, pasi partia e tij pësoi humbje të madhe kundrejt partisë së ekstremit të djathtë, Fronti Kombëtar. /REL
Lajme të tjera
-
Partia spanjolle e ekstremit të djathtë do t’i bashkohet grupit të Orbanit në PE
5 Korrik, 19:30 -
Votimi në Evropë: Gjermania, Franca dhe Austria fluturojnë djathtas! Macron shpall zgjedhjet e parakohshme, Le Pen: Gati për të ardhur në pushtet
9 Qershor, 18:35 -
Irlanda dhe Çekia nisin të votojnë për zgjedhjet e Parlamentit Evropian
7 Qershor, 08:46 -
Mbahen sot zgjedhjet për Parlamentin Europian, të drejtë vote 373 mln persona nga 27 vende anëtare të BE
6 Qershor, 08:43
