Europa League, përfundon aventura europiane për Partizanin dhe Luftëtarin

Ka përfunduar mbrëmjen e të enjtes aventura europiane për Partizanin dhe Luftëtarin, të cilat janë eliminuar që në turin e parë të kompeticionit të dytë më të rëndësishëm për klube në Europë, përkatësisht nga Maribor i Sllovenisë dhe Ventspils i Letonisë. Njëlloj si në takimin e parë në Tiranë, edhe në transfertë, të kuqtë kanë luftuar në kërkim të një rezultati pozitiv, por janë mundur me rezultatin 2-0, për një rezultat të përgjitshëm 3-0, që ka shënuar lamtumirën për Partizanin nga kompeticioni i Europa League. Një lamtumirë e dhimbshme kjo për të kuqtë të cilët largohen me nder, jo vetëm se u eliminuan nga një kundërshtar me emër në arenën europiane, por edhe për shkak se kundër Partizanit sot ishte edhe fati. Ekipi i udhëhequr nga trajneri Skënder Gega është ndalur dy herë nga traversa, fillimisht në të 17’ me Atanda, kur rezultati ishte ende 0-0, por edhe në të 70’ me Abdurahimi, kur mund të kishin barazuar. Goli i parë është pësuar nga të kuqtë në minutën e 31’, pas një goditje nga jashtë zone e ekzekutuar nga Dervishevic. Ndërsa në minutën e fundit, Tavares ka dyfishuar për sllovenët.

Krejt ndryshe ka qenë atmosfera në “Elbasan Arena”, aty ku Luftëtari vijoi shfaqen e nisur që një javë më parë në Letoni ndaj Ventspils. Pas asaj humbje zhgënjyese në transfertë me rezultatin 5-0, gjirokastritët kanë barazuar sot në Elbasan me rezultatin 3-3, për tu eliminuar pas një rezultati të përgjithshëm. Ishte Luftëtari që kaloi i pari në avantazh falë një 11-metërshi të shndërruar në gol nga Shkurtaj, por gjithçka është përmbysur brenda pjesës së parë, pas dy golave të miqëve. Në pjesën e dytë ka vijuar furia e golave, me tre gola të tjerë të shënuar, respektivisht dy në favor të gjirokastritëve dhe një gol në përfundimt të takimit në favor të miqëve, që kanë barazuar shifrat në 3-3.

Maribor-Partizani 2-0 (3-0)

Shënues: Dervishevic 31’

Maribori: Handanoviç: Suler, Milec,  Vrhoveç, Viler, Derviseviç, Kramariç, Hotiç, Zahoviç, Mlkar.

Trajner: Darko Milanic

Partizani: Hoxha, Gojkoviç, Atanda, Trashi, Ibrahimi, Telushi, Mala, Hila, Bardhi, Asani, Progni.

Luftëtari-Ventspils 3-3 (3-8)

Trajner: Skënder Gega

Shënues: Shkurtaj 44′ (11-m), 61′, Ymeraj 55′ / Akinjemi 45+4′, 45+8′, Alfa 90’

Luftëtari: Ruci, Liçaj, Rapa, Janiçiç, Rapo, Ramadani, Vucaj, Aleksi, Milosavljev, Ymeraj, Shkurtaj.

Trajner: Milos Kostic.

Ventspils: Uvarenko, Mamah, Jagodinskis, Rugins, Alfa, Neziri, Tosin, Batista, Manjgaladze, Pavlov, Akinjemi.

Trajner: Dejan Vukicevic.

TAG:
• partizani
• europa league
• luftetari