POP 5

Lajmet më të lexuara të 5 minutave të fundit

Sport

Europa League/ Sonte në fushë Juve, Roma, United dhe Arsenal! Në Conference League debutojnë në 1/8 arbitrat shqiptarë

Juventus dhe Roma luajnë sot sfidat e para tejet të vështira në fazën e 1/8 të Europa League. Në këtë fazë rikthehet edhe Arsenal, ndërsa Manchester United do kërkojë të lërë pas poshtërimin në kampionat përballë Betis. Interesant është fakti se Conference League sfida mes Fiorentinës dhe Sivaspor do arbitrohet nga gjyqatër shqiptarë.

Juventus pret sot në Torino Freiburg për ndeshjen e parë të fazës së 1/8 të Europa League, me italianët të cilët e shohin këtë kompeticion si mundësinë për të arrirë Championsin sezonin e ardhshëm. Trajneri i ‘zonjës së vjetër’ Allegri thotë se ekipi ‘duhet të marrë një avantazh në ndeshjen e parë, pasi e pret më pas një përballje shumë e vështirë në Gjermani’. Sakaq trajneri i Freiburg ka dashur ta kalojë presionin te italianët, duke u shprehur se ‘ata janë favoritë’.

Ndryshe nga Juventusi që nis në orën 21:00, në orën 18:45 Roma do të presë në Olimpico Real Sociedad. Trajneri Mourinho thotë se ‘spanjollët janë një skuadër me kualitete të mëdha dhe një strateg të madh si Alguacil’.

Ndërkohë po në orën 18:45 do rikthehet të luajë në Europa League Arsenali, që sot përballet në transfertë kundër Sportingut të Lisbonës të ardhur nga Championsi. Për këtë ndeshje të parë londinezët vijojnë të kenë të dëmtuar Elneney-n, Trossard dhe Gabriel Jesus, ndërsa Nketiah është në pikëpyetje. Sakaq në fushë në orën 21:00 pas eliminimit të Barcelonës do zbresë edhe Manchester United. ‘Djajtë’ që u poshtëruan 7-0 nga Liverpool-i presin në shtëpi spanjollët e Betis, një kundërshtar relativisht i vështirë. Gjithsesi me mjaft interes pritet për t’u parë edhe reagimi i tifozëve vendas ndaj lojtarëve.

Po sot do të nisë edhe faza e 1/8 e Conference League ku në sfidën Fiorentina-Sivasppor do arbitrojnë një katërshe gjyqtarësh nga Shqipëria. Për herë të parë në këtë nivel arbitër kryesor do jetë Enea Jorgji, i mbështetur nga anësorët Denis Rexha dhe Ridiger Çokaj. Arbitër i katërt do jetë Juxhin Xhaja.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46