POP 5

Lajmet më të lexuara të 5 minutave të fundit

Sport

Europa League/ Sot Teuta, Laçi e Kukësi duan surprizën (VIDEO)

Sot futbolli shqiptar përgatitet të përjetojë një tjetër ditë të madhe. Teuta, Laçi dhe Kukësi do të tentojnë surprizën në turin e dytë të Europa League ndaj kundërshtarëve shumë të fortë. Teuta pret në Durrës spanjollët e Granadas, Laçi luan ndaj Hapoel Ber Shevës dhe Kukësi sfidon gjermanët e Volfsburg.

Ekipet shqiptare ëndërrojnë sot një tjetër natë të paharrueshme. Ashtu si më 27 gusht kur u kualifikuan të treja skuadrat pjesëmarrëse në Europa League edhe sot Teuta, Laçi e më pas Kukësi duan të bëjnë surprizën.

 E para që zbret në fushë në kuadër të turit të dytë të Europa League është Teuta që pret në Durrës një ekip shumë të fortë. Spanjollët e Granadas bëjnë debutimin e tyre në Europë ndaj “djemve të detit” dhe janë dukshëm ekipi favorit. Gjithsesi Teuta është gati dhe e karikuar për një tjetër surprizë.

Trajneri Edi Martini thotë se i dinë pikat e dobëta të kundërshtarit dhe se Teuta ka shanse për të kaluar më tej. Ndeshja starton në orën 16:00. Në orën 19:00 në fushë zbret Laçi që pret në Elbasan izraelitët e Hapoel Ber Sheeva. Dhe në mbrëmje është ndeshja vitrinë e turit të dytë të Europa League që luhet në orën 20:00 në “Air Albania”.

Kukësi i Skënder Gegës pret ekipin gjerman të Ëolfsburgut. Skuadra nga Bundesliga një rival shumë i fortë por në kampin e verilindorëve besojnë në një mrekulli. Trajneri Gega është optimist, kërkon ndeshjen perfekte dhe thotë se nuk do të parkojnë autobusin. Vështirësia është e madhe por Teuta, Laçi e Kukësi mund të na dhurojnë sërish një mbrëmje magjike për futbollin shqiptar./Përgatiti Andi Kapxhiu

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 17/09/2020 11:51

    Teuta kualifikohet per ne turin tjeter

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Dumani në Kuvend, Braçe: Turp, seanca kaloi në kontroll politik, u mor në pyetje nga personat që po heton! PS s’duhej ta kishte lejuar

Dumani në Kuvend, Braçe: Turp, seanca kaloi në kontroll politik, u mor në pyetje nga personat që po heton! PS s’duhej ta kishte lejuar

22 Korrik, 18:07