Eurovision, Rona Nishliu nis
nesër provat me “Suus”

AZERBAJXHAN – Këngëtarja Rona Nishliu, e cila do të përfaqësojë Shqipërinë në Eurovizion do të nisë nesër provat zyrtare. Në faqen zyrtare online të Eurovision janë publikuar edhe datat e provave që do të bëjnë këngëtarët dhe të konferencave të shtypit që do të japin.
Sipas kalendarit zyrtar Nishliu është e pesta në radhë (ora 11.55). Prova e dytë e saj do të jetë të enjten më 17 maj në orën 10:30. Pas secilës provë, Rona do të jetë edhe në një konference për shtyp përballë gazetarëve të atashuar pranë Eurovisionit.
Për regjistrimin e këngës u punua në studiot e Ocean Ëay Recording dhe Capitol Records në Los Anxheles, ndërsa përpunimi i këngës u bë në studion muzikore Sterling, në Nju-Jork.
Këngëtarja nga Kosova do të performojë në shqip gjatë natës së parë të festivalit, më 22 maj, së bashku me përfaqësuesit e Rumanisë, Greqisë, Rusisë, Belgjikës, Hungarisë etj. Këtë vit në Eurovizion do të konkurrojnë 37 këngë në dy net gjysmëfinale, 22 dhe 24 maj, ndërsa finalja e madhe do të jetë mbrëmjen e 26 majit.

(aq/ap/shqiptarja.com)