Evazioni Fiskal, Cani: Hetim
financierëve dhe bilanceve

TIRANE- Sipas Ministrit të Financave Shkëlqim Cani, kjo kategori profesionesh të lira është përgjegjëse për faktin që  kompanitë sot hartojnë dy bilance, njëri që paraqitet te tatimet dhe njëri me të dhënat reale të biznesve.

“Nuk është sekret që biznesi punon me bilance të dyfishta, duhet të mbajmë parasysh edhe përgjegjësit për këto bilance”, theksoi dje Cani duke ju referua si një prej faktorëve kryesor të shkallës mjaft të lartë të evazionit në Shqipëri.

Në një takim me gazetarët, Cani sqaroi se aksioni i qeverisë kundër evazionit do të nisë nga biznesi i madh, por një vëmendje të veçantë do i kushtohet ndërmjetësve përmes të cilëve bilancet e kompanive certifikohen për t’iu paraqitur administratës tatimore.