NEPAL- Të paktën 12 udhërrëfyes vendas kanë gjetur vdekjen nga një ortek në shpatet e malit Everst në Nepal.
 
Orteku ra në orën 06:45 sipas orës lokale në lartësinë 5800 metra.
 
Identiteti i viktimave nuk është bërë ende i ditur zyrtarisht dhe ka nisur një operacion shpëtimi me tre helikopterë që kërkojnë në zonën e ngjarjes.
 
Një zëdhënës i Ministrisë së Turizmit të Nepalit tha se disa alpinistë ishin shpëtuar, por shumë të tjerë akoma rezultojnë të zhdukur.
 
Mendohet se kjo mund të jetë tragjedia me më shumë viktima të alpinistëve në malin Everest.

Redaksia online
(esh/shqiptarja.com)