POP 5

Lajmet më të lexuara të 5 minutave të fundit

Bota

Evropa do t'i përgjigjet SHBA-së me të njëjtën monedhë

Evropa do të zbatojë kundërmasa ndaj tarifave doganore të SHBA-së për çelikun dhe aluminin.
Evropa do t'i përgjigjet SHBA-së me të njëjtën monedhë

Kancelarja gjermane Angela Merkel dhe presidenti i SHBA-së Donald Trump

Kancelarja gjermane Angela Merkel shprehu të dielën në darkë keqardhjen për vendimin e papritur të Presidentit Donald Trump për t'u tërhequr nga deklarata e grupit G7.

Shpallja e tërheqjes, përmes një cicërime në twitter na bën sigurisht esëll si dhe pak të dëshpëruar.

Kancelarja Angela Merkel për ARD

Ashtu si Kanadaja, Bashkimi Evropian po përgatitet për kundërmasa për tarifat doganore të SHBA-së për importet e çelikut dhe aluminin, tha Merkel.

Gjermania dhe BE-ja vazhdojnë t'i përmbahen komunikatës

Pas kthimit të saj në Berlin një zëdhënës i qeverisë kishte thënë se Gjermania është dakord me komunikatën për të cilën u diskutua në La Malbaie, të Kanadasë. Edhe Bashkimi Evropian reagoi pas tërheqjes së Trumpit. Një zëdhënës i Presidentit të Këshillit të BE, Donald Tusk, tha

Ne i përmbahemi komunikatës, siç është rënë dakord nga të gjithë pjesëmarrësit.

Zëdhënës i Presidentit të Këshillit të BE, Donald Tusk

( Kancelarja Merkel në një intervistë për televizionin publik gjerman ARD mbi samitin e G7 në Kanada )

SHBA-ja dhe gjashtë vendet e tjera të G7 - përfshirë edhe aleatët kryesorë perëndimorë të Amerikës Gjermaninë, Francën, Britaninë dhe Kanadanë - arritën që pavarësisht dallimeve të thella mbi çështjet e tregtisë dhe ndryshimit të klimës, të bien dakord në samit në minutën e fundit për deklaratën përfundimtare prej tetë faqesh. Por pas kësaj Trumpi u tërhoq.

Trump e argumentoi në Twitter largimin e tij prej deklaratës përfundimtare - deri tani një hap unikal në historinë 40-vjeçare të G7 - me qëndrimin e presidentit kanadez Trudeau ndaj tarifave doganore amerikane për çelikun dhe aluminin.

Trudeau tha në konferencën përfundimtare për shtyp, se tarifat doganore kundër BE-së dhe Kanadasë, që Trumpi i justifikon me ruajtjen e interesave amerikane të sigurisë, janë "disi ofenduese" dhe se Kanadaja, nga ana e saj, do të vendosë po ashtu tarifa më të larta doganore ndaj mallrave amerikane./DW

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51