Para garës së dytë sezonale në Formula 1, piloti i Ferrarit, Fernando ALonso pranon se skuadra e tij ka shumë punë për të bërë, që të arrijë rivalët. "Do të luajmë në mbrojtje edhe në pistën e malajzisë. Nuk mund të bëjmë ndryshe pasi F2012 është praktikisht identike me atë që përdorëm në Australi" tha spanjolli.

Fernando Alonso është i vetëdijshëm se edhe në garën e Malajzisë, Ferrari nuk mund të jetë në maksimum, duke llogaritur edhe të nxehtin e madh në këtë vend. gara do të zhvillohet në pistën e Sepang të dielën në orën 10:00. Në program 56 xhiro dhe në total 310.408 kilometra.

"Kam ardhur në Kuala Lumpur herët dhe është e rëndësihme që të mësohesha me klimën. Kjo është gara me kilometrazhin më të madh dhe më e lodhshmja nga ana fizike" tha Alonso për sajtin e Ferrarit.