POP 5

Lajmet më të lexuara të 5 minutave të fundit

Sociale

Fabrika e lëkurës shkarkon mbetjet në lumin Osum! Banorët: Po çojmë fëmijët në spital me probleme me frymëmarrjen! Agjencia e mjedisit: S'kemi aparatura për matjen e ndotjes

Ujërat e Osumit në Poliçan janë të ndotura për shkak se një fabrikë të përpunimit të lëkurës që shkarkon mbetjet në lum. Agjencia e Mjedisit në Berat nuk ka marrë asnjë masë, pasi siç thotë drejtuesi s'ka aparatura për matjen e nivelit të ndotjes.

Ky është lumi Osum që ka marrë ngjyrën e bardhë dhe aromën e rëndë të ndotjes që shkaktohen fabrika e lëkurës në fshatin Vodicë të Poliçanit. Mbetjet shkarkohen gjatë natës në lumë, ndërsa banorët ankohen se përpos aromës së keqe, uji është i dëmshëm për bujqësinë e blegtorinë.

"Vjen erë e keqe. Lumi bëhet shkumë, punon më shumë natën, vjen era e lëkurave. Gjithmonë i çojmë fëmijët në spital për probleme me frymëmarrjen", thanë banorët .

 

Drejtori i Agjencisë Rajonale të Mjedisit, Dritan Metaj tha gjatë kontrollit të ushtruar në mënyrë të befasishme subjekti "Kici Qytyku Sh.p.k" nuk ishte në punë e për pasojë nuk kanë marrë asnjë masë administrative.

"Subjekti e ka impiantin e filtrimit, por do parë (konstatuar) nëse e vë në punë apo jo këtë impiant. Grupi i inspektimit  kontrolloi gropat septike, por fabrika po punonte kur shkuan inspektorët. Ju la detyrë të dorëzojë pranë ARM raportin 6 mujor të vetë- monitorimit", tha Dritan Metaj kryeinspektor i ARM

Sipas tij, Agjencia e Mjedisit nuk ka aparatura dhe as staf të kualifikuar për matjen dhe evidentimin e saktë të faktorëve ndotës që shkaktojnë shkumën dhe aromën në lumin Osum.

"Duke qenë se lumi Osum është pika fundore e shkarkimit të ujërave të bardha e të zeza të Bashkisë dhe subjekteve private, kërkojmë nga ATM inspektim për matjen e instrumenteve të faktorëve ndotës, duke qenë se  ARM Berat nuk ka pajisje dhe as staf të kualifikuar për matjen e nivelit ndotës", u shpreh Metaj.

Kjo fabrikë e ndërtuar 20 vite më parë funksionon me leje mjedisore që është rinovuar një vit më parë nga Ministria e Mjedisit. Fabrika duhet të ketë impiante nëntokësore për shkarkimin e mbetjeve të përpunimit të lëkurave por kreu i Agjencisë së Mjedisit tha se nuk ka dijeni për funksionimin e tyre.

B.K./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Turneu i Madridit, Rafael Nadal: S'jam gati, do luaj vetëm për dashurinë e tifozëve

Turneu i Madridit, Rafael Nadal: S'jam gati, do luaj vetëm për dashurinë e tifozëve

25 Prill, 14:32