TIRANË- I menjëhershëm ka qenë reagimi i kryeministrit Edi Rama, pas akuzave të presidenti Ilir Meta që bën fajtore qeverinë për situatën e krijuar në Kakavijë. Rama i ka cilësuar argumentet e sjella nga kreu i shtetit si paradi tipike "alla Baba Xhike". Për Ramën, ky qëndrim i presidentit, i shërben qëllimeve të tij për lëvizje politike.

"Fajësimi qeverisë për situatën në Kakavi,thjesht një sebep i rradhës për avazin e vjetër të një Presidenti që abuzon me institucionin e lartë,për qëllimet e ulëta të Lëvizjes së tij të Çintegruar politike! Ndërsa argumentat për fajësimin pastaj pfff..parodi tipike alla Baba Xhike", shkruan Rama. 

Postimi i plotë i kryeministrit Edi Rama

Kjo përgjigje e kryeministri Edi Rama, vjen pas deklaratës së presidentit Ilir Meta i cili akuzoi se nuk ushtroi përgjegjësitë e saj, madje sipas tij kjo situatë mund të ishte parandaluar.

Rendit zhvillimet sipas orarit:
Ora 15:59
'Mëso Ilir se s'të ka borxh Shqipëria'/ Rama: Në Bullgari radha e makinave 25 km, po aty s'doli presidenti të fajësonte qeverinë

Në vijimësi të kundërpërgjigjes së tij për presidenti Ilir Meta, kryeministri Edi Rama ka sjellë në vëmendje rastin në kufiri e Greqisë me Bullgarinë, ku radha e makinave dhe kamionëve ka shkuar 25 km. Rama thotë se pavarësisht kësaj situate presidenti bullgar nuk fajësoi qeverisë, ndryshe nga sa bëri Meta.

"Sipas gazetës "Ekathimerini" radha e veturave që pritën nga Bullgaria në doganën e Kulatas në Greqi, shkoi 10 km, ndërsa ajo e kamionëve arriti 15 km! Por Presidenti bullgar s'doli të fajësojë qeverinë e as i quajti qytetarët pa atdhe e pa shtet!Mëso Ilir se s'të ka borxh Shqipëria", tha Rama.

B.K./Shqiptarja.com