POP 5

Lajmet më të lexuara të 5 minutave të fundit

Kultura

Fakte të reja, 3 historianë me një botim për “Vatrën”! Beqir Meta: Raporti i panjohur i Nolit me Zogun dhe diktatorin Hoxha! Lobimi i Nolit në SHBA dhe OKB për njohjen e qeverisë moniste

Historiani Beqir Meta, si bashkautor, zbulon fakte të reja në botimin  “Vatra”. Ai tregon për përpjekjet e Nolit për të krijuar një qeveri në ekzil, që do të drejtohej nga kundërshtari i tij më i madh mbreti Zog. Po ashtu, historiani zbulon raportet që diplomati pati me partinë Komuniste dhe Enver Hoxhën, dhe pse iu hap dosja hetimore.

Nga Shpallja e Pavarësisë kur u themelua, e deri në vitin 1990, historianët Beqir Meta, Hasan Bello e Erjon Dervishi, sjellin historinë e “Vatrës” dhe të shqiptarëve në Amerikë. Fakte të reja arkivore, në këtë botim shpalosin historinë e figurat kyçe të saj të zhveshur nga këndvështrimi ideologjik. Ndër ta është edhe Fan Noli. Akademiku Beqir Meta tregon përpjekjet e diplomatit për të krijuar gjatë Luftës një qeveri në ekzil, e cila do të drejtohej nga kundërshtari i tij numër një.

"Noli fillimisht kishte mbështetur bashkë me Faik Konicën krijimin e një qeverie në Ekzil që gjatë luftës 2 ,pra në emigracion nën drejtimin e mbretit Zog. Qëllimi i kësaj ishte  për tu shërbyer interesave kombëtare sepse në kushtet e luftës rrezik  i madh që Shqipëri të mbetej e papërfaqësuar Kush do ti mbronte interesat e saj nën skakirën e diplomacisë", tha Beqir Meta.

Njohja e qeverive shqiptare, ishte një nga synimet kryesore të Nolit, për të cilin do të vijonte përpjekjet edhe pas Luftës, pavarësisht rrethanave të reja.

"Në fund të luftës kur u pa se po fitonte në Shqipëri Lëvizja Nacional Çlirimtare, Noli nis e mbështet qeverinë e Enver Hoxhës. Dhe kemi një mbështetje pa kushte që i bën kësaj qeverie që nga korriku nga vera e vitit 1944 e në vijim, kërkon me këmbëngulje nga departamenti amerikan i shtetit dhe nga organizata e Kombeve të Bashkuara kërkon që Shqipëria të pranohet që Konferencën e San Franciskos të njihet qeveria e saj", thotë historiani.

Në vitet ’46-’47, shkak i mosmarrëveshjeve bëhet mosnjohja e traktateve ndërkombëtare nga partia komuniste kundrejt kërkesave të Nolit për të revizionuar politikat me SHBA.

"Më tej Noli u fokusua vetëm në një çështje, të kundërshtimit të presionit grek , lëvizjeve propagandistike të saj për Shqipërinë e Jugut dhe për ndërhyrjen e saj për kishat ortodokse shqiptare në Amerikë", shprehet Beqir Meta.

Në rrethana të tilla, në vitin 1952 nisin artikujt e parë kritikë në gazetën dielli ndaj partisë komuniste, derisa prekin kulmin në 1958-ën, kur “Vatra” ndalon qëndrimin armiqësor ndaj Ballit, Legalitetit etj,. Në këtë periudhë regjimi urdhëron asgjësimin e saj. Ndërsa një vit më vonë, Nolit i hapet një dosje hetimore. Krahas mbikëqyrjes, ndaj tij ushtrohet presion i vazhdueshëm për ti shërbyer Partisë Komuniste, kërkesë të cilën ai e refuzoi. 

K.T.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • aleksadros: 02/03/2022 05:27

    po diktatore quheni se e la vendin me gjithe ato fabrika e uzina ,nga nje populle analfabet e shkollje e beri me die dhe ja hodhet poshte donite zogune ate hajdutin me keqe se keta qe na hudheheqin sote shkoni pastroni streimet e bunkeret se po filloje lufta ku do futeni

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Spanjë/ Tragjedi në parkingun e përmbytur të një qendre tregtare në Valencia, zhytësit: Një varrezë

Spanjë/ Tragjedi në parkingun e përmbytur të një qendre tregtare në Valencia, zhytësit: Një varrezë

2 Nëntor, 16:19