'Faleminderit!' Klintonët junior dhe vajzat Hillari nga Kosova në Tiranë për të surprizuar Presidentin amerikan

Të rinj, djem e vajza të reja, nga Mitrovica, Rahoveci, Podujeva dhe çdo krahinë tjetër e Kosovës udhëtuan me autobus nga Kosova drejt Tiranës për të suprizuar presidentin Clinton por dhe për ta falënderuar për atë që bëri për Kosovën.

"Jam Bill Clintoni i Kosovës, ndërsa ju jeni Bill Clinton i botës"  tha një djalë.

“Jam Klintonita nga Peja. Tezja më vuri emrin e familjes tuaj për të treguar mirënjohjen për atë që ju keni bërë për ne, që të fitojmë pavarësinë dhe të jemi vend demokratik. Ju jeni arsyeja që ne sot kemi liri dhe paqe”, tha një vajzë.

LEXO EDHE:
Tiranë, kontrabandë me ilaçet, arrestohen 2 persona, pronarë të një farmacie dhe një depoje (EMRAT)

“Jam Klinton Berisha, jam shumë i nderuar të mbaj mbiemrin e familjes tuaj si emrin tim”, u shpreh një i ri.

“Fale jush ne jemi të lirë sot”, u shprehën disa prej tyre.

“Unë jam Bill Clinton Krasniqi dhe vij nga Mitrovica. Jam krenar që kam emrin tuaj dhe jam Bill Clinton i Kosovës”, u shpreh një prej tyre.

Të vendosur në shkallët e kryeministrisë, ata prezantuan njëri tjetrin dhe me zë treguan sa mirënjohës janë. 

 

Lajmi kryesor:

Bill Clinton në Tiranë: Po shoh të ardhmen në një vend ku e shkuara mund ta kishte vrarë! Rama: Presidenti më shqiptar që gjetëm në SHBA

S.G/SI.E./Shqiptarja.com

TAG:
• bill clinton ne tirane