POP 5

Lajmet më të lexuara të 5 minutave të fundit

Politikë

Falje tarifës së hapësirës publike për bizneset në Tiranë, Veliaj: Do mbështesim bizneset që u prekën nga pandemia (VIDEO)

Kryebashkiaku Erion Veliaj, tha se vendimi do të hyjë në fuqi pas zgjedhjeve, për shkak se aktualisht nuk e lejon Komisioni Qendror i Zgjedhjeve.

Biznesi i vogël, kryesisht baret, lokalet dhe restorantet, do të përfitojnë nga falja e tarifës së hapësirës publike nga Bashkia e Tiranës. E njëjta nismë është ndërmarrë nga bashkia edhe në prill 2020, si një masë për të ndihmuar biznesin për shkak të pandemisë. Kryebashkiaku Erion Veliaj, tha se vendimi do të hyjë në fuqi pas zgjedhjeve, për shkak se aktualisht nuk e lejon Komisioni Qendror i Zgjedhjeve.

“Duam ta përsërisim edhe këtë vit amnistinë për tarifat vendore. Nëse hotelet nuk kanë pasur punë, çfarë tarife do paguajë? Nëse ti e mbyll lokalin në orën 20:00, pse duhet të paguash taksë për hapësirën publike?”, u shpreh Veliaj. “Do hyjë në fuqi pas zgjedhjeve, duke qenë se jemi në periudhë zgjedhore dhe KQZ-ja e ka ndaluar që të marrim masa të tilla”, theksoi Veliaj.

Nga ana tjetër, kryebashkiaku shtoi se sakrifica që po bën Bashkia e Tiranës është për t’i ardhur sadopak në ndihmë biznesit, që ka humbur gjatë gjithë kohës së pandemisë.

Nga ana tjetër ai ironizoi edhe vendimin e KQZ-së për ta gjobitur, gjobë e cila u hoq më pas si e paligjshme.

“Ju e dini, unë edhe gjobitem kur bëj më shumë punë seç duhet! Nuk e di pse nuk ka gjoba për ata që flenë gjumë, ose për ata që ikin nga puna? Nuk ka gjoba për ata që çohen në orën 11:00, por për ata që punojnë më shumë seç duhet ka,” ironizoi Veliaj.

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40