EMRI/ Falsifikoi kontratat e pronësisë për 3 makina të marra me qira për t’i shitur, pranga juristes së DRSHTRR-së në Elbasan

EMRI/ Falsifikoi kontratat e pronësisë për 3 makina të marra me qira për t’i shitur, pranga juristes së DRSHTRR-së në Elbasan

Foto ilustruese

ELBASAN- Iva Bodurri, juriste e Drejtorisë së Shërbimit të Transportit Rrugor Elbasan (DRSHTRR) është arrestuar nga policia, për shpërdorim detyrë dhe falsifikim dokumentesh.

30-vjeçarja, sipas policisë dyshohet se ka shpërdoruar detyrën, duke falsifikuar kontrata për pronësinë mbi 3 automjete të marra me qira, të cilat u shitën në kundërshtim me ligjin, nga shtetasit Thanas Beko dhe R. L. (Th. B., i arrestuar dje; R. L. punonjës i DPSHTRR Elbasan, ende në kërkim), pasi iu hoqën GPS.

Punonjësja e DRSHTRR-së, e cila ishte shpallur në kërkim një ditë më parë, u vu në pranga në kuadër të operacionit ‘Fraud’, ndërsa policia ka sekuestruar 3 automjetet, ndërkaq vijon puna për kapjen e shtetasit R. L.

Mësohet se Thanas Beko dhe njëri prej punonjësve, kishin marrë me qira 3 automjete dhe më pas u kanë hequr GPS dhe i kanë falsifikuar dokumentet mbi pronësinë dhe dokumentet e tjera, i kanë shitur kundrejt vlerës 20 000 euro. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Ndërsa lidhur me këtë ngjarje ka reaguar edhe institucioni i DRSHTRR Elbasan, ku nëpërmjet një postimi të bërë në facebook, mohon lajmin e arrestimit të juristes. 

Rendit zhvillimet sipas orarit:
Ora 17:54
Policia njoftoi arrestimin e juristes së DRSHTRR Elbasan, institucioni e mohon: Ishte në udhëtim familjar, u paraqit në komisariat kur mësoi lajmin

Drejtoria e Përgjithshme e Shërbimeve të Transportit Rrugor ka reaguar pas lajmit të sotëm mbi arrestimin e juristes së këtij institucioni Iva Bodurri nuk është i vërtetë.

Sipas njoftimit të këtij institucioni, Iva Bodurri është kthyer sot nga një udhëtim familjar dhe është paraqitur në komisariatin e policisë të Elbasanit ku po pret t’i komunikohet çështja duke aluduar se njoftimi i policisë për arrestimin e Bodurrit, është i pavërtetë. 

“Në pamundësi të njohjes me aktet, për shkak të fundjavës e festave, sqarojmë se lajmi i sotëm se “kapet” punonjësja e rajonales Elbasan, me iniciale I. B., në kërkim, nuk është i vërtetë. Personi sapo ka mësuar nga portalet online për lajmin e së dielës, është kthyer menjëherë nga udhëtimi familjar dhe ka shkuar vetë në Komisariatin e Elbasanit ku ende pret me avokaten që t’i komunikohet çështja. Në padije për detaje të tjera, mund të sqarojmë se nga ana e drejtorisë rajonale Elbasan dhe çdo strukture tonën, jemi të hapur për çdo informacion e bashkëpunim me organet hetimore, me të dhënat e sistemeve dhe pamjet filmike. Për momentin mund të deklarojmë se personi tjetër i dyshuar, punonjësi me iniciale R. L., rezulton se ka vepruar privatisht, pa asnjë akses në shërbimin e ndërrimit të pronësisë së mjeteve, sepse nuk punon në atë sektor, pra jo në kushtet e abuzimit me detyrën! Ky person ka qenë me leje dhe në cilësinë e personit privat është paraqitur për marrje shërbimi. Dy nga rastet e aluduara lidhen me praktika të noterizuara, pra jashtë shërbimit tonë, ndërsa rasti i tretë lidhet me dyshim për përgjegjësi penale të shitësit pa autorizim korrekt. Për të treja rastet e dyshuara, sa i takon zinxhirit të shërbimit, RBS, procedurës së rajonales Elbasan, rezulton se nuk ka asnjë cënim të integritetit të sistemit operativ! Çdo veprim është i gjurmueshëm, çdo rekord regjistrohet në databazë, çdo dokument apo vetëdeklarim i pasaktë përbën përgjegjësi vetjake! Rastet e dyshuara, deri tani, nuk përfshijnë falsifikim apo tjetërsim brenda entit. Në pritje të konkluzioneve, i kërkojmë medias/portaleve që të mos nxitojnë në kushtet kur nuk ka një informacion të plotë mbi provat. Inkurajojmë të tëra shërbimet e treta që ndërveprojnë, si rasti i noterëve, të investojnë në sisteme digjitale për të eliminuar raste falsifikimesh dhe për të garantuar protokoll e informatizim verifikimi në kohë reale”- njoftim DRSHTRR.

M.Q./B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cbxb: 27/11/2023 18:14

    Shpjegimet ne prokurori, jo ne facebook.

    Përgjigju
  • Sondazhi i ditës:

    Në Shqipëri do të prodhohen municione për Ukrainën, si e vlerësoni?



×

Lajmi i fundit

Vetingu largon përfundimisht nga sistemi i drejtësisë gjyqtaren Zeqine Sollaku, bashkëshorten e ish kryeprokurorit Sollaku

Vetingu largon përfundimisht nga sistemi i drejtësisë gjyqtaren Zeqine Sollaku, bashkëshorten e ish kryeprokurorit Sollaku