Falsifikuan rezultatin në 2 qendra votimi në Librazhd, të arrestuarit: E kemi bërë nga lodhja, nuk ishte e qëllimshme

6 persona janë arrestuar dhe 2 të tjerë janë shpallur në kërkim, pasi akuzohen se kanë falsifikuar rezultatin në dy qendra numërimi në Elbasan. Të gjithë janë numërues në një KZAZ, përfaqësues të Partisë Demokratike, Partisë Socialiste dhe Lëvizjes Socialiste për Integrim. Janë arrestuar Erald Karriqi, Ylli Kuka, Durim Alla, Erjon Dashi, Mili Vasku dhe Olgert Alla. Ndërsa janë në kërkim Oltion Bajrami, dhe Eduart Zito. Në dëshminë e tyre para grupi të hetimit, ato kanë deklaruar se gabimi është kryer nga lodhja dhe nga pakujdesia. Sipas tyre gabimi nuk ishte i qëllimshme, dhe se nuk kishin interes për ndryshim rezultati.

‘Unë nuk di të them si është bërë ky ndryshim votash në këtë tabelë rezultati të kësaj kutie votimi, mendoj se do te jetë bërë  gabim nga lodhja  pasi nuk ka patur as një interes për ndryshimin e rezultatit.’- ka deklaruar Ylli Kuka.

LEXO EDHE:
U arrestuan për atentatin e dështuar ndaj Otit të Elbasanit, SPAK kërkon pushimin e hetimeve për miqtë e Erjon Alibejt

Lajmi kryesor:

Ia morën votat Zenelit dhe ia dhanë Lefter Gështenjës, 6 të arrestuar e 2 të shpallur në kërkim në Librazhd! Të gjithë numërues në një KZAZ, përfaqësues të PD, PS dhe LSI

M.Q./Shqiptarja.com

TAG:
• Elbasan
• zgjedhjet parlamentare 2021
• librazhd
• kqz