Familjarët e pengjeve protestë para shtëpisë së Netanyahut: Ne ju kemi lutur për 105 ditë dhe tani ju kërkojmë të ndaloni ekzekutimet e tyre

Foto nga familjarët e pengjeve duke protestuar për lirimin e tyre

Dhjetra familje pengjesh protestuan gjatë natës jashtë shtëpisë së kryeministrit izraelit, Benjamin Netanyahu, në Cezare për të kërkuar një marrëveshje për të shpëtuar jetën e të dashurve të tyre dhe për të protestuar ndaj mosveprimit të qeverisë. Kështu raporton gazeta Times of Israel. 

“Kanë mbaruar ditët e hirit në të cilat ju tërhoqët zvarrë”, thuhet në deklaratën e Forumit të familjeve të pengjeve që i kanë kërkuar me ngulm kryeministrit të dalë për të folur. 

“Kemi 105 ditë që ju lutemi dhe tani ju kërkojmë të ndaloni ekzekutimet e pengjeve. Demostroni lidershipin tuaj dhe bëni një lëvizje të guximshme që do të çojë përpara planin që ne e dimë se është në tryezë. Nuk ka të bëjë me lirimin e pengjeve, ka të bëjë me shpëtimin e jetëve", thuhet në deklaratë.

LEXO EDHE:
Hamasi për propozimin e armëpushimit të Izraelit: ‘Qëndrimi ynë është negativ, por ne ecim përpara’

Familjet e pengjeve po i kërkojnë Netanyahut një konferencë ndërkombëtare me Katarin, Egjiptin dhe SHBA- në që do t'i lejojë të gjithë të ulen rreth një tavoline dhe të gjejnë një mënyrë për t'i sjellë pengjet në shtëpi.

Lajmi kryesor:

Lufta/ Sulm izraelit në Damask, vriten udhëheqësit e Xhihadit Islamik! Reagon presidenti iranian: Nuk do të lëmë pa përgjigje krimet e regjimit sionist! Familjarët e pengjeve protestë para shtëpisë së Netanyahut

S.S/Shqiptarja.com

TAG:
• SHBA
• Houthi
• Izrael
• lufta ne rripin e gazes