POP 5

Lajmet më të lexuara të 5 minutave të fundit

Sport

Fare pranë trofeut, Orges Shehi s'i uron rivalët e Partizanit: Nuk është e udhës të ndryshohet rregullorja

Tirana fitoi 1-2 me Erzenin në transfertë, duke dalë në vendin e dytë në Superligë për edicionin 2022-23.

Fare pranë trofeut, Orges Shehi s'i uron rivalët e Partizanit: Nuk është e udhës të ndryshohet rregullorja

Orges Shehi, trajneri i Tiranës

Tirana fitoi 1-2 me Erzenin në transfertë, duke dalë në vendin e dytë në Superligë për edicionin 2022-23. Edhe pse me pikë të barabarta (67) me Partizanin kampion, bardheblutë u renditën të dytët për shkak të ndeshjeve direkte. Pas duelit për mediet foli edhe trajneri i Tiranës, Orges Shehi.

“Pas asaj që ndodhi para 4-5 ditësh asgjë nuk ishte më në dorën tonë 100% dhe pas asaj ndeshje ne kërkuam të gjenim energjinë të gjeni forca ta mbyllnim kampionatin me fitore. Kishim edhe raste të shumta sot që mund të shënonim më parë, por tani s’na mbetet më asgjë tjetër veç ta humbim kampionatin me pikë të barabarta", tha fillimisht Shehi.

Më pas Shehi foli edhe për rregulloren dhe mbylljen e kampionatit me pikë të barabarta me Partizanin.

"Rregulloret janë të shkruajtura e bardha në të zeze, kështu që unë mendoj se nuk është e udhës të ndryshohet rregullorja. Mendoj që kemi bërë një kampionat të mirë, kemi ardhur këtu duke derdhur djersë e gjak, kështu që jemi të kënaqur me atë çfarë kanë dhënë çunat", vijoi durrsaku.

Trajneri Shehi falenderon tifozët që i kanë ndenjur pranë ekipit këtë sezon.

"Nuk kam asnjë lloj mesazhi, për asnjë, përveç skuadrës time dhe tifozëve të mi që i falenderoj që janë gjithmonë afër skuadrës. Ne kemi zhvilluar një sezon të gjatë me uljet-ngritjet tona me tranzicione të mëdha, siç thashë e kemi mbyllur kampionatin me pikë të barabarta dhe ritheksoj atë çka thashë pak më parë deri këtu kemi ardhur me sakrificë e me djersë”, deklaroi Shehi.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03