POP 5

Lajmet më të lexuara të 5 minutave të fundit

Bota

Fati i mjekut që ndihmoi CIA-n të gjente Bin Ladenin

Pakistani ka hedhur poshtë njoftimet se po negocion në rrugë sekrete një marrëveshje për lirimin dhe dorëzimin tek Shtetet e Bashkuara të një mjeku të burgosur, i cili ndihmoi Agjencinë Qendrore të Zbulimit, CIA
Fati i mjekut që ndihmoi CIA-n të gjente Bin Ladenin

Pakistan

Pakistani ka hedhur poshtë njoftimet se po negocion në rrugë sekrete një marrëveshje për lirimin dhe dorëzimin tek Shtetet e Bashkuara të një mjeku të burgosur, i cili ndihmoi Agjencinë Qendrore të Zbulimit, CIA, që të zbulojë dhe vrasë shefin e al-Qaidës, Osama bin Laden në vitin 2011.

Mjeku pakistanez Shakil Afridi drejtoi një fushatë për gjoja vaksinimin kundër hepatitit B, për të mbledhur kampione gjenetike të familjes së bin Ladenit.

Mjeku ndihmoi ushtrinë amerikane në gjetjen e kryeterroristit në qytetin Abbottabad, në thellësi të Pakistanit. Ditë më pas, Afridi u arrestua pas përhapjes së lajmit mbi rolin e tij në ndëhyrjen e trupave speciale amerikane, të cilën Islamabadi e quajti si shkelje të sovranitetit. Mjeku u nxor në gjyq me shpejtësi dhe u dënua me 23 vjet burg për financim të terroristëve në distriktin e tij fisnor në kufi me Afganistanin.

Zyrtarët amerikanë e vlerësuan mjekun si hero për ndihmën për të sjellë para drejtësisë njeriun që qëndronte pas sulmeve terroriste të 11 shtatorit 2001 në Shtetet e Bashkuara. Burgimi i Arifidit ka qënë ndër problemet e tensionit me Amerikës dhe Pakistanit.

“Asnjë marrëveshje nuk po negociohet”, u shpreh në një konferencë shtypi zëdhënësi i Ministrisë së Jatshme, Mohammad Faisal.

Zyrtarët amerikanë thonë se akuzat ndaj mjekut ishin përshtatur për ta dënuar atë për rolin në bastisjen e suksesshme që eleminoi shumë të kërkuarin shef të al-Qaidës. Uashingtoni ka kërkuar prej kohësh lirimin e tij.

Zëdhënësi Faisal tha se në takimet e fundit mes zyrtarëve amerikanë dhe pakistanezë, çështja e mjekut Arifidi nuk ishte prekur, dhe as që ka patur ndonjë propozim të Pakistanit për dorëzimin e tij tek ndonjë vend tjetër.

“Në emër të Ministrisë së Jashtëme, mund t’ju siguroj se ai nuk po u dorëzohet amerikanëve”, u shpreh ai. VOA

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52