Ish-kreu i SHIK Fatos Klosi, ka komentuar zhvillimet politike në vend. Në një prononcim për gazetën “SOT” i pyetur lidhur me protestën që do të mbahej në 6 dhjetor nga ish-kryeministri Sali Berisha në Tiranë, por që policia nuk i ka dhënë leje, ai u shpreh se për të ajo protestë ka qëllime dashakeqëse.
Klosi deklaroi se Berishën ata e njohin, sepse ai ka bërë me qindra manifestime kundër qeverisë të cilat janë pasqyruar edhe në mediat e huaja.
“Për mua është dashakeqëse kjo që do të bëjë. Shqipërisë po i vjen ky rast i mirë që për një apo dy dit të mbledh udhëheqësit e Evropës, në të cilën ne synojmë që të futemi. Berishën ata e njohin, sepse ai ka bërë me qindra manifestime kundër qeverisë dhe i kanë dhënë edhe mediat e huaja. Zgjedhja e kësaj dite ishte, pasi ai e mori vesh që do të vinin ata në datën 6 dhe zgjedhja e kësaj date është dashakeqëse.
Unë nuk çuditem sepse atë e njohin të gjithë shqiptarët, por ai me këtë po i vë vulën që është antikombëtar, ai nuk do të thotë ndonjë gjë të re edhe sikur ta bënte atë protestë. Ata e njohin situatën në Shqipëri, e dinë dy vende të mëdha kush është Berisha sepse e kanë shpallur non grata. Ai është larguar nga politika që në 2013 praktikisht 9 vite dhe ai do të tregojë se kur bëhen pa të ai është kundërshtar”, tha ai.
I pyetur mbi rëndësinë e samitit të Bashkimit Evropian-Ballkani Perëndimor që do të zhvillohet në Tiranë ku do të jenë të pranishëm liderët e Evropës, ai tha se është shumë e rëndësishme për vendin.“Është normalisht shumë e rëndësishme sepse mund të kishin zgjedhur një qytet tjetër, por që zgjodhën Tiranën, dhe ne këtë duhet ta konsiderojmë si një nderë që na bëhet.
Është hera e parë në historinë e një vendit që mblidhen lider të Ballkanit në një qytet që diskutohet për hallet e rajonit, por sidomos për Shqipërinë. Ata nuk e kanë hedhur në short ku do bëhet takimi, besoj se ka pasur kritere për vendin ku do të bëhet ky takim”, tha ai.
Ndërkohë, më 2 dhjetor hyjnë në fuqi ndryshimet në ligjin për autoritetin e dosjeve, i pyetur nëse mendon se kjo nismë do të shkoj deri në fund, Klosi tha se ata të cilët e nisën beson se do ta çojnë deri në fund. Sipas tij, ka mbi 20 që diskutohet për dosjet nëse do të hapen ose jo.
“Ata që e kanë nisur besoj që duan që ta çojnë deri në fund. Dosjet kanë 20 vite që diskutohet nëse do hapen ose jo, por unë nuk besoj se ka ndonjë impakt të madh në heton e vendit. Për mua janë histori para 30 vitesh, sepse u bënë 30 vite që ai sistem që kishte sigurimin e shtetit nuk është më se nuk besoj se ka më interes për ta kthyer atë kohë për të parë se kush ka pasur dosje”, tha ai.
Ndër të tjera, teksa u pyet nëse mendon se ka persona të cilët janë të frikësuar nga hapja e dosjeve, ai tha se mund të tremben ata që kanë qenë bashkëpunëtor të sigurimit dhe mbase deri më tani nuk u ka dal emri.“Besoj se ka që tremben. Edhe unë jam kundër sepse miratimi është e qartë pse u bë, normal mund të tremben ata që kanë qenë bashkëpunëtor të sigurimit dhe mbase deri më tani nuk u ka dal emri. 30 vite pasi kemi një sistem tjetër politik këta kujtohen tani. Sigurimi kishte detyrat e veta dhe nuk është faji i njerëzve që ata që ishin bashkëpunëtor”, tha ai. /gazeta Sot
Lajme të tjera
-
'Video e Shkëlzenit te zyra e Priftit!' Gazetari Doçi zbulon në 'Studio Live': Si e shantazhoi Meta, Berishën, kur ia kopsiti dosjen në 2009! Noka në hetim pasuror! Nga i pastrehë, me pasuri 1 mln euro
4 Nëntor, 19:22 -
Dosja 'Meta'/ Adriatik Doçi në 'Studio Live': Ja cilët persona përdori si bankomat! Është faktuar se ndërhyri për rritjen e çmimit të energjisë
4 Nëntor, 19:14 -
SHËNIM/ Modeli i Lindës dhe modeli i Lirisë si grua kryeministri
4 Nëntor, 16:15 -
Berisha denoncon punimet në Unazën e Madhe: Lubi Balluku e ndau në 14 lote për të vjedhur! Ndërtojnë me çmime 10-fish më të larta se Kroacia! Të bëjmë betejë për minimumin jetik 200 euro
4 Nëntor, 13:29 -
Masakra në Shkodër dhe vizita në Selanik, Berisha akuza Ramës nga ballkoni: Viktima të krimit të mafias shtetërore, të licencuara për mandatin e tij!
3 Nëntor, 19:44 -
Edison Ypi: Versioni më i mirë i vetes
3 Nëntor, 15:37
-
Mosbindje civile apo provokim: Çfarë ishte 'marshimi' i PD në Shkodër?
2 Nëntor, 18:25
-
PD në Shkodër marshim protestë: Qytetërimi asht ma i fortë se krimi! Po na vrasin, duhet reagim! Kërkojnë lirimin e Berishës e qeveri teknike! (FOTO+VIDEO)
2 Nëntor, 12:10 -
Toska zbulon në 'Studio Live': Basha do bashkohet me Berishën para zgjedhjeve! Haklaj: Nuk afrohet me non gratën! Ai po nis dhe Gaz Bardhin në burg
1 Nëntor, 21:03 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
Në mitingje sulmojnë SHBA-të si të korruptuara, por në takime me të deleguarën e ambasadës deputetët e PD i shkojnë ‘me vrap’!
1 Nëntor, 12:42 -
Ylli Pata: Modeli ballkanik i partive të liderëve të burgosur
31 Tetor, 20:16
