Me ndeshjet e ditës së sotme mbyllet edhe faza e dytë e kampionatit kombëtar. Java e 18 rezervon sfida mjaft të fortë ku priten edhe surpriza, pse jo edhe në krye të renditjes, jo vetëm për zonën e Europës dhe mbijetesën.

Kryesuesit e Skënderbeut udhëtojnë në Vlorë, ku përballë kanë Flamurtarin e dalë nga kriza pas marrjes së pagave të 3 muajve të fundit dhe të etur për pikë. Nuk do të jetë e lehtë për kampionët aktualë edhe pse nga renditja i ndajnë shumë pikë diferencë.

Një gjë të tillë e di mjaft mirë edhe tekniku Josa, që shprehet se është një përballje rivalësh.