TIRANË- PD zyrtare e ka të qartë qëndrimin e saj, nuk ka asnjë bashkim me grupin e Rithemelimit dhe të Gazment Bardhit nëse këta të fundit nuk distancohen nga personat non grata. Nënkryetari i Partisë Demokratike, Kreshnik Çollaku shprehet pesimist në Report Tv lidhur me përpjekjet për bashkimin e opozitës me federatë.
Çollaku u shpreh në ‘Sot Live në Shqipëri’ me gazetarin Nertil Agalliu, se këto përpjekje janë të kota nëse nuk ka një bashkim real.
“Opozita problemin e ka tek përçarja dhe ndarja që ndodhi në PD. Pa një PD të bashkuar, të qartë në qëndrimet e saj, çdo lloj formule do rezultojë e pasuksesshme. Deputetët e Rithemelimit, përfaqësues të partive tjera, federatë ishte në Kukës ishte LSI. Ne si PD për të mos penguar e lamë hapësirë të lirë, nuk ndikuam, qëndruam në mënyrë neutrale. Ca prodhoi? Një katastrofë të rëndë elektorale. Rezultati i 14 majit tregoi se nuk ka vlerë bashkimi numerik, kur përmes këtyre formulave përpiqet të fshihet mungesa e bashkimit në parim e principe”, tha Çollaku në Report Tv.
Çollaku thotë se PD është e hapur për bashkim nëse bihet dakord se marrëdhëniet me SHBA duhen mbrojtur. Por, për grupin e PD nuk ka asnjë hap pas nëse nuk hiqe dorë nga Berisha i shpallur non grata nga SHBA. Sipas nënkryetarit të PD, ky është parimi kryesor mbi të cilin është formuar kjo parti dhe se marrëdhëniet me shba duhet të mbeten të pacënuara nga Berisha e deri tek anëtarët më të rinj.
“Thelbi i krizës që çoi në përçarje, që sot mesa duket po shkon edhe në ndarje, kjo krizë nuk erdhi për shkak të ndarjes numerike apo bashkimit, apo empative e simpative personale. Thelbi ndarjes ishte një qëndrim në parim, një pjesë e PD nuk pranoi të sakrifikojë për Berishën në rrezik të prishjes së marrëdhëniet me SHBA.
Ka një pjesë në PD që nuk pranon të komprometojë marrëdhëniet me SHBA për interesin e asnjë individi. Ndarja ka qenë e qartë. Me SHBA pa kushte, apo duke i devijuar këtij qëndrimi strategjik me SHBA. Nëse biem dakord të gjitha palët se parimi i moscenimit të marrëdhënieve me SHBA është parimi kryesor që siç e ka themeluar PD vazhdon të ekzistojë, s’kemi asnjë lloj dallimi, mund të bashkohemi të gjithë. Nga ne nuk është askush i gatshëm të shkelë këtë parim madhor, marrëdhëniet strategjike me SHB duhet të mbeten të pacenuara me sakrificën personale të të gjithëve, duke filluar nga Berisha deri tek anëtari më i ri”, u shpreh Çollaku.
Çollaku thekson se një parim i tillë do mbahet me çdo person brenda partisë, edhe nëse me vonë mund të ketë non grata të tjera nga SHBA.
“Bëhet fjalë për çdo person që mund të sanksionohet nga Berisha, që në dijeninë time nuk është vetëm një. Për çdo person nëse sanksionohet nga SHBA do kërkohet distancim, nuk përjashtohet të ndodhë edhe në raste të tjera, është paralajmëruar vetë nga DASH”, thekson Çollaku.
Komente
Lajme të tjera
-
Rriten tensionet te ‘Sheshi Uillson’, Bardhi konfrontohet me Policinë: Po bëni veprime kriminale, po dhunoni deputetët dhe mediat, turp! (VIDEO)
23 Dhjetor, 18:40 -
Bardhi ndjek live nga telefoni fjalimin e Berishës, batutë dhe me Mediun: Ju pritëm sa ju pritëm, filluam pa ju...! (VIDEO)
23 Dhjetor, 17:44 -
Protesta te “Sheshi Uillson”, Bardhi përplaset me Policinë: Po shpërdoroni detyrën, jeni me krimin e organizuar! Pse e zhurmon protestën me megafon! (VIDEO)
23 Dhjetor, 17:31 -
Bardhi përplaset me Policinë: S’kemi ardhur për dhunë, devijoni trafikun! S’do e bëj tubimin në ballkon shtëpie! Policia: Lironi rrugën
23 Dhjetor, 17:17 -
Debate te Konferenca/ Zhupa: Argumenti juaj s’qëndron, Kushtetuesja lejon Komisionet Hetimore! Bardhi: Në vjedhje e populizëm s’ju konkurrojmë dot
23 Dhjetor, 13:44 -
Konferenca e Kryetarëve/ PS rrëzon komisionin hetimor për Ballukun, lidhur me Porto Romanon! Bardhi: Aferë korruptive! Balla: Kërkoni 6 muaj hetim, s'ka kohë
23 Dhjetor, 12:27 -
Mbledhja e Kuvendeve Kosovë-Shqipëri, Kreshnik Çollaku: Ngjarje pozitive! Rama provokoi, bëri fushatë kundër Kurtit
20 Dhjetor, 17:44 -
Dështon seanca e pajtimit mes Gazment Bardhit dhe ish-kryepolicit të Shkodrës
19 Dhjetor, 13:03
-
Kuvend/ Falja e gjobave, Bardhi akuzon Spiropalin dhe PS: Jeni në shkelje të Kushtetutës dhe ligjit, ka efekte financiare, duhen diskutime sipas afatit
19 Dhjetor, 10:50 -
Media gjermane pranon se artikujt për Portin e Durrësit ishin të gabuara dhe i tërheq mbrapsht
17 Dhjetor, 21:04 -
Marina e Durrësit dhe zhvendosja e portit aktual në Porto Romani, PD kërkon komision hetimor! E firmosin 39 deputetë (EMRAT)
17 Dhjetor, 14:45 -
Bardhi denoncon zv/kryeministren: Vetëm me firmën e Ballukut ndodhin vjedhje dhe skandale të tilla, çfarë duhet më shumë për të mbajtur përgjegjësi?!
15 Dhjetor, 19:13
Kjo eshte kryesorja por e pa realizuar sepse reth non grates ka shum shpellare qe nuk e kuptojne cdo te thote kjo kur ta japin dy superfuqite e botes sic jane SHBA dhe Anglia.
Përgjigju