Denoncimi për braktisjen e 3 fëmijëve në Durrës, nëna për Report Tv: Kurth nga ish-vjehrra, punoj dy turne! 3 të miturit me zgjebe, nëna mban kujdestarinë

Rasti i tre fëmijëve në Durrës ka hapur një debat të gjerë publik në Shqipëri jo vetëm për kushtet sociale dhe ekonomike, por edhe për mënyrën se si trajtohen krizat familjare. Psikologia klinike dhe këshilluesja Jonida Ponari, e ftuar në Studio Live në Report TV vuri theksin te nevoja për ta parë rastin përtej pamjeve të publikuara në rrjetet sociale.

Sipas saj, mungesa e higjienës në një banesë nuk është gjithmonë tregues i drejtpërdrejtë i neglizhencës apo braktisjes, pasi persona që vuajnë nga depresioni madhor shpesh shfaqin probleme të tilla. Megjithatë, Ponari theksoi se në këtë rast nuk i është krijuar përshtypja e një nëne me depresion, duke ngritur disa pikëpyetje. 

"A mund të jetë narciste nëna se vetëm një nënë narciste ka një mungesë empatie për t'i lënë fëmijët ashtu" u shpreh psikologia.

Ponari ngriti gjithashtu shqetësimin për mënyrën se si janë filmuar fëmijët nga gjyshja dhe për përfshirjen e tyre në situata përballjeje, duke e cilësuar këtë si një formë presioni emocional. Ajo vuri në dukje se, gjatë videos, fëmijëve u kërkohej llogari për gjendjen e shtëpisë, një sjellje që sipas saj mund të përbëjë elemente të alienimit dhe të dëmtojë mirëqenien psikologjike të tyre.

Sipas Ponarit, ky rast nuk duhet parë si një episod i izoluar, por si “maja e ajsbergut” e problemeve sociale që lidhen me varfërinë. 

Drejtoria e Shërbimit Social pranë Bashkisë së Durrësit nëpërmjet drejtoreshës së saj Diola Xhango bën me dije se pak më parë ka përfunduar mbledhja e Grupit Teknik Ndërsektorial ku bëjnë pjesë: vetë shërbimisocial OJQ, Policia, Shëndetësia etj. lidhur me ndihmën për 3 fëmijët dhe nënën e tyre.

U vendos që menjëherë t'u vihet në ndihmë atyre duke i dërguar urgjent në spital të 3 fëmijëve veshmbathje,të gjitha medikamentet për trajtimin e sëmundjes. Do të bëhet pastrimi dhe dezinfektimi i banesës. Këto i morën përsipër t'i financojnë ARSIS dhe Ëorld Vision.

Ndërkohë familja do të ndihmohet që ta zhvendosë regjistrimin nga Vau i Dejës (pasi me letra janë banorë të Malsisë së Madhe) dhe të regjistrohen si banorë të Durrësit. Duke u bërë banorë të Durrësit,bashkia do ta regjistrojë në listën e atyre që do të strehohen në banesa sociale.

Nënës, nëpërmjet Zyrës së Punës, do ti ofrohet sërish një punë dinjitoze në mënyrë që të mos punojë 16 orë sikundër pretendon por 8 orë në mënyrë që të mirërrisë fëmijët e saj. Nënës gjithashtu do t'i ofrohen kurse prindërimi në funksion të mirërritjes së fëmijëve. Për çdo ditë do të kryhen kontrolle mbikqyrje nga shërbimi për mbarëvajtjen e familjes. Pra ajo do të jetë në provë për të parë nëse është e aftë të mbajë kujdestarinë ndaj fëmijëve apo jo.

Nëna e 3 fëmijëve të mitur në Durrës është ballafaquar live në emisionin “Me Zemër të Hapur” me ish-nusen e saj. Gjyshja e fëmijëve akuzon ish-nusen se i ka lënë fëmijët të jetojnë në kushte mizerabël.

Gjyshja e 3 fëmijëve pretendon se ajo dhe i biri e kanë ndihmuar me para dhe se janë përgjigjur për fëmijët, por ka qenë ajo (ish-nusja) që shpërdoronte paratë që ia dërgonin nga Italia.

“Kam moshë më të madhe se ajo dhe ajo duhet të më dëgjojë mua. Kur unë shkoja në shpi dhe nuk e gjeja zonjën , kjo shkonte parukeri dhe bënte 300 mijë 400 mijë flokët me kaçurrele bionde. Vjehrra ja ka prerë pasaportat dy herë, ajo i ka bërë lekët rrush e kumbulla, e me qerpikë dhe thonj. Kishe lekë ti të bëjë qerpikët, të fryje buzët, të ngrije vetullat.

Çfarë nënë je ti. Si fle gjumë ti në atë gjendje? Mirë fëmijët. Po më plas zemra. Më plase Blerina, më more në qafë tre fëmijë, tre yje. Sa në Itali thanë këta s’janë shqiptarë, por amerikanë, e flasin anglishten perfektë”, ka thënë gjyshja e fëmijëve.

Mamaja e 3 fëmijëve mohon të ketë braktisur fëmijët e saj gjithashtu dhe ndihmën që ish-vjehrra pretendon se i ka dhënë. Duke komentuar pamjet brenda shtëpisë, nëna e 3 fëmijëve thotë se është një kurth nga ish-vjehrra.

Ditën e sotme është Shërbimi Social është mbledhur në prezencën e disa aktorëve të tjerë të shoqërisë civile për të vendosur për fatin e 3 fëmijëve të mitur të gjetur paraditen e djeshme të mbyllur në një apartament në qytetin e Durrësit. Gjyshja e tyre pretendon se ka qenë mamaja e tyre ose ish-nusja e djalit që i ka braktisur, ndërsa nëna e të miturve refuzon kategorikisht këtë akuzë.

Sipas Shërbimit Social, fëmijët kanë që në fund të muajit nëntor që nuk frekuentojnë shkollën. Vetë shkolla është interesuar dhe janë vënë në dijeni për vështirësitë ekonomike të familjes. Në këtë kuadër, situata i është referuar Shërbimit Social në bashki.

Këta të fundit kanë thirrur nënën e 3 fëmijëve ku dhe i kanë ofruar ndihmë. Ndihma konsistonte në gjetjen e një pune me orar 08.00-16.00 si dhe mbulimin e asistencës së fëmijëve në këtë fasho orari. Nëna e të miturve nuk e ka pranuar këtë ndihmë duke thënë se i del vetë për zot fëmijëve të saj. Për këtë, Shërbimi Social thotë se e ka dokumentuar refuzimin e saj me firmë.

Nga ana tjetër, nëna e 3 fëmijëve thotë se ka 5 vite e divorcuar dhe se babai i fëmijëve ka qenë në burg. Pasi ka dalë nga burgu, ai ka paguar vetëm 180 mijë lek të vjetra për fëmijët. Ajo thotë se fëmijët kanë qenë vetëm gjatë ditës që ajo është në punë dhe se në darkë është kthyer pranë tyre. Për gjendjen e shtëpisë, e papastër dhe tepër rrëmujë, nëna e fëmijëve thotë se është dorë e ish-vjehrrës, e cila i ka ngritur kurth.

Nëna e 3 fëmijëve në Durrës, e cila u denoncua nga ish-vjehrra se i ka braktisur, vijon të këmbëngulë se nuk është e vërtetë. Në një intervistë për emisionin Sot Live në Shqipëri në Report Tv, nëna rrëfen kushtet e vështira ekonomike me të cilat përballet.

Rrëfimi i plotë i nënës së 3 fëmijëve për Report Tv

Është thënë që i kam braktisur 3 fëmijët. Shkollës i është dërguar raporti, ku fëmijët janë të deklaruar që janë të sëmurë dhe janë në kurim. Nuk i kam lënë vetëm fëmijët. Gjatë ditës i kam lënë vetëm, sepse jam e detyruar të punoj për fëmijët. Ia kam thënë edhe policisë, shtëpia ime ka pasur disa rroba në krevat, por është futur një dorë tjetër për të hedhur poshtë. Nëse do jetonin në ato gjendje, fëmijët s’do ishin në gjendje të mirë shëndetësore. Mjekët kanë kryer ekzaminime dhe janë në gjendje shumë të mirë. Që prej përmbytjes jemi pa ujë, kam prova dhe fakte të tjera dhe do hedhim poshtë pretendimin e gjyshes. Nëse s’do isha e zonja t’i mbaja, s’do i mbaja këtu e prej 5 vitesh që s’jam më me bashkëshortin. Fëmijët e mi nuk janë rritur me urrejtje për babanë e gjyshen. Kur ka ardhur gjyshja, fëmijët e mi kanë hapur derën.

Kur vinte në Shqipëri, më thonte dua të takoj fëmijët. Dje s’më ka lajmëruar, s’më ka thënë që është kthyer dhe do të takojë fëmijët. Pse dje s’më ka marrë në telefon si çdo herë.

Fëmijët janë shumë mirë, janë bërë mjekimet. Dyshohet se zgjebe, ishte infeksion lëkure. Kanë marrë një raport 2 javor dhe kaq. Infeksioni më thanë që është marrë në shkollë, por është gjë që kalon.

Ne kemi shumë kohë që jemi diovorcuar, që kur kam qenë shtatzënë me vajzën. Deri sot që vajza ime është 5 vjeç. Ja kam sakrifikuar dhe ja kam dalë. Fëmijët i kam shumë mirë, si fizike dhe psikologjike. Gjatë kohës që ish-bashkëshorti im ka qenë në burg, gjyshja mund të sillte ndonjë çokollatë. Tani që ka dalë nga burgu, nis 18 mijë lekë. Çfarë mund të bëj me 18 mijë lek.

Në gusht kam shkuar në Itali, kemi rënë dakord të bënim dokumentet, që ti merrnin fëmijët. Unë me një shtëpi me ata nuk mund të jetoja. Kemi pasi konflikte, jam kthyer në Shqipëri, kam dashur te ik në Itali, s’më kanë lejuar ngaqë ka hedh pretendime se kam braktisur fëmijët. Nuk ika dot se shteti shqiptar më tha ke kaluar 3 mujorshin në Itali dhe duhet të qëndrosh 3 muaj me patjetër në Shqipëri.

Kam punuar me një turn dhe 2 turne. Gjatë ditës kanë ndenjur vetëm, se kam qenë e detyruar. Skam pasur ndihën sociale. 300 mijë lekë qiraja. Unë kam rrogën 400 mijë lekë rrogë. Kam shkuar i kam çuar në shkollë, i ka marrë djali i madh, ose unë shkëputem nga puna i çoja në shtëpi. Shkëputesha, ju çoja ushqim dhe çdo gjë.

Kam, kërkuar ndihëm sociale, më kanë parë që kam tv, lavatrice, më thanë që ke kushte më të mira se unë. Çfarë ndihme sociale kërkon.

Unë do luftoj, kujdestarinë nuk ma heqin dot. Me pas mundësinë familje ime s’më lejonte kurrë të punoja dy turne. Familja ime jeton jashtë.

Nëna e 3 fëmijëve në Durrës, e cila u denoncua nga ish-vjehrra se ka braktisur 3 fëmijët, në një prononcim për Report Tv thotë se gjithçka është një kurth. E reja akuzoi ish-vjehrrën se është futur brenda në banesë dhe ka shkaktuar atë gjendje që u publikua në media, me plehra dhe rroba në çdo kënd. Nëna e 3 fëmijëve tha për gazetarin Aldo Mustafa se nuk është e vërtetë që i ka braktisur 3 fëmijët, pasi ajo punon për të siguruar të ardhura. Babai që është në Itali, dërgon vetëm 18 mijë lekë, thotë ajo, duke theksuar se nuk janë mjaftueshëm. Ndërkohë, sa i takon mungesës në shkollë, nëna thotë se ka dërguar raport për fëmijët.

Nëna: Familja ndodhet jashtë. Nuk është se jemi në gjendje të mirë ekonomike.

Gazetari: Sa i përket situatës, pse ishte në atë gjendje shtëpia?

Nëna: Pretendimi im që kam, shtëpia nuk ka qenë në atë gjendje. Është vënë dorë, për të më hedhur mua poshtë. Ajo ka hyrë brenda. Fëmijët e mi janë rritur me dashuri për gjyshen dhe babanë. Nuk kam kontakte. Që kur ka dalë nga burgu, këto muaj nisi 180 mijë lekë, ca do bëj unë me 180 mijë lekë nëse rri 24 orë në shtëpi. Fëmijët nuk kanë qenë në shkollë, kanë qenë sëmurë, u kam dërguar raport.