Fëmijët autikë, Liri Berisha
çel ankandin për fonde 

TIRANE - Është çelur sot ankandi i fondacionit “Fëmijët shqiptarë”, i drejtuar nga Liri Berisha. Në një ceremoni të organizuar në Hotel Sheraton, vihej re prezenca e mjaft biznesmenëve të njohur në vend, të cilët ishin edhe pjesëmarrës në ankandin për grumbullimin e fondeve në ndihmë të fëmijëve autikë në Shqipëri.

Nuk mungonin as personalitete të njohura të botës së artit dhe politikës në vend. Po ashtu u ve re dhe prezenca e ambasadorëve të huajë në Tiranë, si ambasadori i BE Ettore Sequi dhe ai i OSBE, Eugen Wollfarth.

Drejtuesja e këtij fondacioni në Shqipëri, Liri Berisha si dhe themeluesi i këtij fondacioni në Amerikë Domenic Sacalione ishin dhe personat pritës të kësaj ceremonie. Pritet që rreth orës 23:00 të përfundojë gjithë kjo ceremoni, ku do të shpallen dhe fondet e mbledhura.

Ajo që nuk kaloi pa u komentuar ka qenë fakti se zonja Liri Berisha, ka refuzuar të puthë menaxherin e fondacionit të fëmijëve me qendër në SHBA, zotin Herman Sullivan, një shtetas afro-amerikan. Nuk dihet nëse ngjyra e tij e lëkurës ka qene shkaku që zonja Liri Berisha nuk ka dashur të përqafoje zotin Herman Zullivan, apo ndoshta për shkak të grimit, që në një rast të tillë ka qenë pak më i “tepruar” se zakonisht.



Gjithsesi, duket qartë që bashkëshortja e Kryeministrit ka refuzuar puthjen dhe përqafimin që menaxheri i fondacionit amerikan mezi ka pritur t’i japë. Shprehja e saj e fytyrës, shtrëngimi i syve sikur po të ndodh diçka e padëshirueshme, ishte aq i qartë sa edhe i ftuari i saj i ka kërkuar ndjesë me një lëvizje dore.

Nesër në të përditshmen SHQIPTARJA.com do të gjeni detaje të shumta mbi veprat e vendosura në ankand si dhe mbi vip-at e tjerë që morën pjesë në ceremoni.

(shqiptarja.com)

TAG:
• OSBE