Për ndërtimin e “Shtëpisë së Evropës” në Tiranë, e cila do të mirëpresë Samitin e Komunitetit Politik Evropian më 16 Maj, do të kontribuojnë edhe fëmijët nga Vlora. Kryeministri Edi Rama ka ndarë një video me disa momente teksa fëmijët realizojnë punimet e tyre. 

I pranishëm është edhe kreu i qeverisë, i cili shprehet: “Shumë faleminderit. Keni bërë një punë fantastike dhe meritoni një duartrokitje të madhe për këtë punë të bukur që keni bërë.” 

Krahas videos, Rama ka shkruar: 

“Mirëmëngjes dhe me kontributet e fëmijëve në Vlorë për Shtëpinë e Europës, e cila po ngrihet tek kopshti i Skënderbeut në Tiranë, ku më 16 maj do të mblidhen udhëheqësit e krejt kontinentit tonë demokratik, për Samitin e Komunitetit Politik Europian, ju uroj një ditë të mbarë".

Samiti i Komunitetit Politik Evropian është një ngjarje historike që pritet të mbledhë në Tiranë liderët e vendeve evropiane.

 

Xh.D/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Maj, 22:41

    Operacioni Ura, si e vlerësoni punën e SPAK ndaj grupeve kriminale?

Lajme të tjera