Ekskluzive/ 'Nëse Hygerta s'do fejohej më 1 mars, i ati do t'i përzinte të gjithë nga shtëpia!' Shefi i Krimeve në Durrës tregon ultimimatumin që Meta u kishte dhënë fëmijëve

Hysen Meta, ishte i pari që çedoi para hetuesve, kur po pyetej për babanë e tij, akoma pa dal lajmi i vrasjes. Në një moment ai ka thënë, autor i zhdukjes është rreth i afërt, i familjes. Kjo orientoi antikrimin e Durrësit, që zhdukja e Pëllumb Metës ishte një krim në familje.

Shefi i Krimeve në këtë rajon, Elton Shahini në një intervistë EKSKLUZIVE për emisionin "Sot Live në Shqipëri"  Report Tv  zbuloi detaje të rëndësishme për ngjarjen që po shokon opinionin, ku tre fëmijët Hysen, Hygerta, Amarildo, akuzohen për vrasjen e babait të tyre

“Në datën 13 shkurt Hysen Meta është paraqitur dhe ka bërë kallëzim se babai ka humbur dhe është larguar. Kemi kryer veprimet hetimore, shpallur në kërkim. Më 17 shkurt është gjetur mjeti në një zonë të pyllëzuar në sektorin rina. U ngrit grupi hetimor ku është bërë këqyrja e mjetit i cili rezultoi se nuk kishte dëmtime dhe ishte i mbyllur. U kryen kontrolle të vijës bregdetare, ku nuk u konstatuan gjëra të dyshimta. U thirrën familjarët, u mor në pyetje.

LEXO EDHE:
FOTO/ Kroçiera me turistë britanikë mbërrin në Durrës, Rama: Ogur i mirë për këtë vit turistik

Fillimisht familjarët na orientuan se babai i tyre ka ikur edhe herë të tjera nga banesa në periudha të ndryshme pasi konsumonte pije alkoolike. U vazhdua hetime dhe një sërë veprimesh hetimore, këqyrja e kamerave të sigurisë, u ngritën disa pista ku mes tyre ishte edhe konflikti familjar. Janë pyetur disa herë familjarët dhe deri diku kishin një version por pas këmbënguljes sonë kishin kontradikta. Ne dyshonim që ky ishte një krim i brendshëm. Hyseni filloi të cedonte dhe në një momentin u shpreh se autor i zhdukjes është rreth i afërt, i familjes. Motra mori përsipër krimin dhe na tregoi për vendin ku ishte varrosur babai. Ishte e parapërgatitur Hygerta, e pranoi”, tha Shahini për Report Tv.  

Ultimatumi i viktimës, për të fejuar të bijën, duket motivi final që çoi fëmijët drejt vendimit për ta vrarë të atin.  Por, siç Shefi i Krimeve në Durrës, Elton Shahini tregon në Report Tv  babai i tyre Pëllumb Meta, ishte i dhunshëm dhe kohët e fundit, para se të vritej kishte debat me familjen dhe djalin e madh sepse ai nuk ishte në punë.

"U ka thënë ju s’punoni! Është banesa ime. Nëse nuk punoni do ju nxjerr nga banesa. ”Djali me të cilën donte ta fejonte do të vinte nga Italia më 1 mars, dhe ky I ka dhënë ultimatumin që në datën 1 mars do të fejoejheshn nëse jo do ju përzë të tërëve’

SI.E./Shqiptarja.com

TAG:
• Hygerta Meta
• Hysen Meta
• pellumb meta
• Elton Shahini
• Durres