POP 5

Lajmet më të lexuara të 5 minutave të fundit

Ekonomi

Fermerët që prodhojnë grurë e misër do aplikojnë për fonde në skemën e IPARD 3, Ministrja: I kemi kërkuar BE ndryshim të programit

Edhe fermerët që mbjellin grurë e misër duhet të përfitojnë nga fondet që jep BE nëpërmjet programit të IPARD. Propozimi do të bëhet nga Ministria e Bujqësisë i për Bashkimin Evropian që pjesë e programit të IPARD 3 që fillon zbatimin vitin e ardhshëm të jenë edhe ata që kultivojnë këto dy produkte.

Ministria e Bujqësisë i ka propozuar Bashkimit Evropian disa ndryshime në Programin e IPARD-III, që do të nisë zbatimin nga viti i ardhshëm në mënyrë që të marrin fonde fermerët që kultivojnë grurë e misër.

Lajmin e bëri të ditur ministrja e Bujqësisë Frida Krifca, gjatë një takimi që pati me fermerët e Dropullit të Gjirokastrës, ku pohoi se dhe ata duhet të përfitojnë financim për mekanikën bujqësore, infrastrukturën e grumbullimit dhe magazinimin e këtyre produkteve.

“I kam kërkuar stafit që të ri-shohin arsyetimin dhe të bëjnë modifikimet e programit të IPARD në mënyrë që edhe prodhuesit e misrit dhe grurit të kenë mundësinë që të aplikojnë për të marrë mbështetje për mekanikën bujqësore”, tha Krifca.

Programi IPARD III i miratuar nga BE ka fond 112 milionë dollarë e do të financojë 9 fusha si infrastrukturë rurale, ndërtim tregjesh, për Agro-përpunim apo Agro-turizëm. Fermerët që kultivojnë grurë këtë vit do të përfitojnë edhe mbështetje nga skema kombëtare, ku përveç naftës pa taksa, do të jepet 30 mijë lekë për Ha për mbjelljet e reja të grurit. Për këtë skemë nga buxheti i shtetit do të jepen 500 milionë lekë, ndërkohë që shtohet me 500 milionë lekë edhe fondi për naftë pa taksa. Këto masa merren me qëllim rritjen e prodhimit të grurit në vend.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Gjykata më e lartë e Francës konfirmon dënimin për korrupsion ndaj ish-presidentit Sarkozy

Gjykata më e lartë e Francës konfirmon dënimin për korrupsion ndaj ish-presidentit Sarkozy

18 Dhjetor, 16:46