ROSKOVEC- Fermerët e Kurjanit në Roskovec po braktisin vreshtarinë dhe po e zëvendësojnë me kulturen e ullirit. Nga 100 hektarë me vreshta, sot kanë mbetur vetëm 5 hektare.

Fermeri Eshref Toro, që merret me vreshtari prej 32 vitesh, thotë se çmimi i ulët i rrushit, mungesa e tregut, stoku i verës dhe rakisë, si edhe subvencionet e pakta, e kanë detyruar ate dhe te tjeret të heqin dorë nga kjo kulturë.

Edhe fermeri Qamil Kuka e ka braktisur plotësisht vreshtarinë, duke e mbjellë tokën me ullinj. Ai thotë se per shkak te kostos se lartë te prodhimit, u detyrua të presë të gjitha hardhitë.

Të njëjtin shqtesim shpreh dhe Astrit Abedini, I cili nga një sipërfaqe e konsiderueshme me vreshta, sot ka ruajtur vetëm 1 dynym.

Deri ne vitet ‘90 vreshtat me rrush zinin 80% të territorit të Kurjanit, me prodhim vjetor rreth 200 tonë. Sot, kjo traditë po shuhet, ndërsa mungesa e subvencioneve po i çon fermeret drejt falimentimit.