POP 5

Lajmet më të lexuara të 5 minutave të fundit

Sociale

Fermerët e Roskovecit: Çmimi i domates ka rënë përtokë, s’ka treg! Grumbulluesit i marrin me çmim të ulët, shteti të ndërhyjë

Fermerët e fshatrave të Roskovecit po përballen me frikën e falimentit. Ata ankohen për mungesë tregu, pasi sipas tyre pikat e grumbullimit nuk kontrollohen dhe e tërheqin prodhimin me një çmim të ulët, duke u sjellë dëme të shumta ekonomike

Fermerët e fshatrave të Roskovecit po përballen me frikën e falimentit. Ata ankohen për mungesë tregu, pasi sipas tyre pikat e grumbullimit nuk kontrollohen dhe e tërheqin prodhimin me një çmim të ulët, duke u sjellë dëme të shumta ekonomike.

Prodhimi i domates në sera ka nisur, por fermerët e fshatrave të Roskovecit edhe këtë sezon po përballen me frikën e falimentit. Këtë vit prodhimi është i mbarë por ata thonë se nuk ka treg dhe se pikat e grumbullimit ua marrin produktin me çmim të ulët.

“Kam marrë serat e kunatit me qera, se kunati i la iku në Itali po shumë-shumë dobët. Shiko se si i kam. Për punëtorë është keq”, thotë një fermere.

“Momentalisht situata në treg është në disfavor të fermerëve. Çmimet kanë rënë përtokë edhe pse sezoni i vjeljeve sapo ka filluar. Shpenzimet janë të larta Edhe kërkesë nuk ka dhe çmimet po ulen disa ditës 800 lekë dje dhe 600 lekë sot çmimi i domates. Nuk ka ndodhur ndonjëherë më përpara “ shprehet një fermer tjetër.

Njëri prej fermerë të zonës qe prej 10 vite ka investuar për ngritjen e serës së perimeve, thotë se kostoja e lartë e prodhimit po e përball me vështirësi ekonomike.

 “Me serat kam 10 vjet. I ngritëm duke marrë lekë në bankë. Është e pamundur të ushqehesh me këto çmime që janë. Çuni më ka ikur në Itali, se nuk ia dilnim. Fermerët po ikin, nuk ka më fuqi punëtore. Pikat e grumbullimit sot e mori me 15, nesër e çoi me 700 lekë të vjetra. Por po shkoi nën 1000 lekë, kjo nuk ia vlen fare ta mbjellësh”- tha një fermer

Mungesa e tregut, jo pak herë ka bërë që fermerët e fshatrave të Rosokovecit të hedhin poshtë prodhimin e tyre.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ledina: 11/05/2023 13:07

    Kerkoni nga kryeministri Edi Rama qe ne vend te Ministrise se Rinise, po me ate ministre qe nuk e heq dot nga zyra, te ngreje Ministrine e Industrise Ushqimore dhe te Lehte.

    Përgjigju
    • Boni: 10/07/2023 18:40

      Ke shume te drejte sikur Shqiperia te beje 5 kombinate ushqimore nga veriu ne jug zgjidhet ceshtja e bujqesise dhe e bukur eshte qe deri ne vitin 90 ne i kemi pasur keto si kapacitete. Nuk ka pse te kerkojme te behen shpikje vertet dikur keto fabrika ishin te amortizuara por sot ska asnje arsye pse te mos ti kete.

  • Nuk kthehet njeri: 10/05/2023 16:11

    Po pse nuk bëni nga 19-29 fëmijë për familje dhe e gjetët fuqinë punëtore

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Nga ulja 30% e taksës mbi ndërtesën, pezullimi i financimit të inceneatorit/ Teliti prezanton 27 amendimet e PD për buxhetin e Tiranës

Nga ulja 30% e taksës mbi ndërtesën, pezullimi i financimit të inceneatorit/ Teliti prezanton 27 amendimet e PD për buxhetin e Tiranës

18 Dhjetor, 16:28